www.mawwfire.gov.uk
Gwybodaeth Am Ddiogelwch Rhag Tân – Dianc o Adeilad Uchel
Adeiledir fflatiau uchel i fod yn ddiogel rhag tân, ac ni fydd y mwyafrif o danau’n lledu ymhellach nag ystafell neu ddwy. Bydd y waliau, y nenfydau a’r drysau’n dal y fflamau a’r mwg yn ôl, felly os oes tân mewn rhan arall o’r adeilad, fel arfer byddwch chi fwyaf diogel yn eich fflat, oni bai fod y gwres neu’r mwg yn effeithio arnoch.
Paratoi eich Cynllun Dianc
Bydd cymryd ychydig o amser i baratoi cynllun dianc yn rhoi’r hyder i chi wybod yn union beth i’w wneud os oes tân, a bydd yn rhoi tawelwch meddwl i chi. Os ydych yn byw mewn fflat sydd yn uwch na’r llawr cyntaf, bydd mwyafrif eich gwaith cynllunio diogelwch yr un fath â chartrefi ar y llawr gwaelod. Fodd bynnag, mae yna rhai gwahaniaethau pwysig.
Dilynwch y cyngor ar ddiogelwch a roddir yn adrannau Atal ac Offer Diogelwch Rhag Tân y wefan hon, a hefyd y cyngor a roddwyd eisoes yn yr adran ‘Dianc’ hon. Os ydych yn byw mewn fflat mewn adeilad uchel, fe ddylech chi gymryd y cyngor canlynol:
Beth i’w wneud os oes tân
Os yw eich llwybr dianc wedi’i flocio
Os yw’r tân yn eich fflat
Os yw’r tân tu allan i’ch fflat
Paratoi eich Cynllun Dianc
Bydd cymryd ychydig o amser i baratoi cynllun dianc yn rhoi’r hyder i chi wybod yn union beth i’w wneud os oes tân, a bydd yn rhoi tawelwch meddwl i chi. Os ydych yn byw mewn fflat sydd yn uwch na’r llawr cyntaf, bydd mwyafrif eich gwaith cynllunio diogelwch yr un fath â chartrefi ar y llawr gwaelod. Fodd bynnag, mae yna rhai gwahaniaethau pwysig.
Dilynwch y cyngor ar ddiogelwch a roddir yn adrannau Atal ac Offer Diogelwch Rhag Tân y wefan hon, a hefyd y cyngor a roddwyd eisoes yn yr adran ‘Dianc’ hon. Os ydych yn byw mewn fflat mewn adeilad uchel, fe ddylech chi gymryd y cyngor canlynol:
- Eisteddwch i lawr gyda phawb sy’n byw yn eich fflat, a sgwrsiwch am sut fyddech chi’n ymateb petai tân yn amlygu. Sicrhewch fod pawb yn gwybod lle mae’r larwm tân.
- Dewiswch lwybr dianc. Y ffordd rwyddaf allan ddylai hwn fod. Meddyliwch am sut i fynd allan o’ch fflat, ond meddyliwch hefyd am sut fyddwch yn gadael eich llawr a mynd i rywle diogel tu allan i’r adeilad. Hefyd, penderfynwch ar ail lwybr dianc, os oes un ar gael (ond nid balconi).
- Sicrhewch eich bod yn cadw’r llwybr dianc yn rhydd o rwystrau. Sicrhewch nad oes bocsys, sbwriel nac unrhyw beth a allai fynd ar dân yn y coridorau ac ar y grisiau.
- Os yw eich adeilad yn cynnwys drysau tân, sicrhewch eu bod ar gau bob amser, ac nad ydynt yn cael eu lletemu ar agor. (Fe’u dyluniwyd i atal mwg a thân rhag lledu).
- Sicrhewch nad yw’r drysau i’r grisiau a’r allanfeydd ar glo. Gwiriwch yn rheolaidd eich bod yn medru agor y drysau yma o’r ddwy ochr.
- Wrth gynllunio eich llwybr dianc, cadwch mewn cof na ddylech chi fyth ddefnyddio’r lifft. Mae tân yn medru torri’r cyflenwad trydan i’r lifft, gan eich gadael chi’n gaeth.
- Dewiswch ystafell ddiogel. Os na fedrwch ddianc bydd angen i chi ddod o hyd i un ystafell lle gallwch aros i gael eich achub, un gyda ffenestr sy’n agor ac sy’n cynnwys ffôn fyddai orau.
- Sicrhewch fod pawb yn gwybod ble mae’r grisiau. Mae’n hawdd drysu pan eich bod yn y tywyllwch, cyfrwch faint o ddrysau fydd angen i chi fynd drwyddynt neu heibio iddynt.
Beth i’w wneud os oes tân
- Rhybuddiwch bawb yn eich fflat. Peidiwch ag aros i gasglu pethau gwerthfawr nac i archwilio’r tân.
- Cyn agor drysau, gwiriwch nhw gyda chefn eich llaw. Os ydynt yn gynnes, peidiwch â’u hagor - mae’r tân ar yr ochr arall.
- Rhybuddiwch y fflatiau gerllaw trwy guro ar y drysau ar eich ffordd allan. Seiniwch y larwm tân, os oes un yn bresennol.
- Peidiwch â defnyddio’r lifft.
- Os oes llawer o fwg, ymlusgwch ar hyd y llawr lle mae’r aer lanaf.
- Unwaith i chi gyrraedd allan yn ddiogel, defnyddiwch ffôn symudol neu flwch ffôn i ffonio 999. Rhowch eich enw a’ch cyfeiriad i’r gweithredydd brys, yn cynnwys rhif eich fflat. Dywedwch wrthynt ar ba lawr mae’r tân, os ydych yn gwybod.
- Os yw’r tân yn blocio’ch allanfa, neu os yw’r tân neu’r mwg yn blocio’r grisiau yn eich bloc o fflatiau, peidiwch â chynhyrfu ac ewch yn ôl i mewn i’ch fflat, ac arhoswch i’r Gwasanaeth Tân ac Achub i gyrraedd.
Os yw eich llwybr dianc wedi’i flocio
Os yw’r tân yn eich fflat
- Ewch â phawb i mewn i’r ystafell ddiogel a ddewiswyd gennych.
- Rhowch glustogau, dillad gwely ac ati., ar waelod y drws i atal mwg rhag dod i mewn.
- Ffoniwch 999, gan roi eich cyfeiriad a rhif eich fflat.
- Agorwch y ffenestr. Os teimlwch eich bod mewn perygl enbyd, chwifiwch ddillad gwely allan o’r ffenest fel bod y diffoddwyr tân yn medru eich gweld.
Os yw’r tân tu allan i’ch fflat
- Seliwch eich drws ffrynt gyda thâp, os fedrwch chi, yn ogystal â chlustogau a dillad gwely, i atal y mwg rhag dod i mewn.
- Caewch unrhyw awyryddion.
- Ffoniwch 999, gan roi eich cyfeiriad a rhif eich fflat.