Cwrs Aseswr Risg o Dân (pum diwrnod)

Cwrs uwch i bobl sy’n ymwneud â gwaith fel ymarferwyr a rheolwyr diogelwch rhag tân, sy’n cyflawni dyletswyddau tebyg.


Trosolwg o’r cwrs

Lluniwyd y modiwl pum diwrnod hwn i gynorthwyo ‘personau cyfrifol’ ac eraill i ddiwallu eu gofynion cyfreithiol, o ran cynnal asesiadau risg o dân.

Mae’r cwrs yn darparu archwiliad manwl o ddeddfwriaeth diogelwch tân a chanllawiau’n ymwneud ag Asesu’r Risg o Dân (FRA). Mae’n canolbwyntio ar ddyletswyddau’r ‘person cyfrifol’ ac mae’n archwilio’r fethodoleg a ddefnyddir wrth Asesu’r Risg o Dân.

Defnyddir deunydd a thaflenni’r cwrs ochr yn ochr â’r ddeddfwriaeth berthnasol a’i ganllawiau perthynol. Mae cynrychiolwyr yn cadarnhau eu bod yn ‘gymwys i gaffael’ trwy gyfrwng asesiad ar ddiwedd y cwrs.


Nod

I roi’r sgiliau, yr wybodaeth a’r ddealltwriaeth i gynrychiolwyr i ymgymryd ag Asesiadau Risg o Dân mewn amrywiaeth eang o safleoedd.


Dyddiadau

Cynhelir cyrsiau’n rheolaidd. Cysylltwch â’r Uned Hyfforddiant Masnachol i gael manylion pellach, os gwelwch yn dda.


Hyd y cwrs

Pum diwrnod.


Cost

Cysylltwch â swyddog hyfforddi diogelwch tân masnachol.


Archebu lle ar y cwrs

Ffôn: 0370 60 60 699
e-bost: commercialtraining@mawwfire.gov.uk


Lleoliad

Gellir trefnu i gynnal y cwrs mewn lleoliadau eraill neu ar eich safle chi - yn ôl amodau (gweler y strwythur prisiau i gael mwy o fanylion). Darperir nodiadau hyfforddi a lluniaeth, yn cynnwys cinio.


Amcanion dysgu

Erbyn diwedd yr hyfforddiant hwn dylai’r cynrychiolwyr fod yn medru:

• Esbonio’r dyletswyddau statudol a fanylwyd mewn deddfwriaeth diogelwch tân.
• Adnabod a diffinio terminoleg sy’n ymwneud ag egwyddorion FRA.
• Adnabod methodoleg ‘arfer gorau’ a’r canllawiau perthynol.
• Adnabod ac adrodd am beryglon generig a meysydd o ddiffyg cydymffurfio.
• Paratoi Asesiad Risg o Dân yn unol ag arfer gorau.

Rhagofynion

Oherwydd natur ddwys y modiwl hwn, argymhellir bod gan gynrychiolwyr wybodaeth gefndir dda o egwyddorion iechyd a diogelwch cyffredinol.


Pwy ddylai fynychu?

Pobl sydd â chyfrifoldeb am gynnal neu werthuso Asesiadau Risg o Dân mwy cymhleth, neu unrhyw un sy’n dymuno ennill achrediad IFE.

Hefyd, bydd y cwrs yn rhoi mewnwelediad amhrisiadwy i’r rheolwyr hynny sy’n goruchwylio sefydliadau eraill sy’n cynnal FRA’au ar eu rhan.


Rhaglen

• Deddfwriaeth diogelwch tân.
• Egwyddorion allweddol yn ymwneud â diogelwch rhag tân.
• Egwyddorion asesu risg.
• Y cysyniad o risg.
• Asesu risg o dân a methodoleg.
• Ymarfer asesu risg o dân ymarferol.
• Cyfrifoldeb y rheolwyr.
• Offer Diffodd Tân.
• Gorfodaeth.
• Nodweddion cydadfer.
• Rheoli Asesu Risg.
• Rheoli safle.
• Asesiad theori ar ddiwedd y cwrs.