Cynhaliaeth

Rydym yn gyfrifol am gynnal a chadw dros 28,500 o hydrantau dŵr ar draws ardal Canolbarth a Gorllewin Cymru. Mae’r hydrantau yma’n gymorth amhrisiadwy i’n personél pan yn diffodd tanau neu’n clirio malurion neu lygrwyr oddi ar y ffordd yn dilyn damweiniau ffordd.

Yn aml, lleolir yr hydrantau ar ffyrdd cerbydau neu gerllaw ar ymyl y glaswellt neu ar y palmant. Yn gyffredinol, ceir arnynt arwydd H bach mewn melyn yn agos at yr hydrantau er mwyn eu darganfod yn hawdd.

Oherwydd eu pwysigrwydd i’n gwaith ni, rydym yn awyddus i glywed am unrhyw ddiffygion a achoswyd i’r hydrantau gan aelodau o’r cyhoedd neu gontractwyr cynnal a chadw’r ffordd. Mae diffygion yn cynnwys gorchudd rhydd neu wedi torri, a allai achosi i’r hydrant i gael ei orchuddio neu ei ddifrodi gan wrthrychau’n disgyn ar ei ben, neu hydrant sy’n gollwng a allai arwain at lifogydd ar raddfa fach ar y ffordd.