Mae Datganiad o Gyfrifon yr Awdurdod yn gyhoeddiad sy’n ofynnol yn ôl y gyfraith. Ei brif bwrpas yw rhoi gwybodaeth glir i Etholwyr, y bobl sy’n talu Treth y Cyngor, Aelodau o’r Awdurdod a phartïon eraill sydd â buddiant, am sefyllfa ariannol Awdurdod Tân ac Achub Canolbarth a Gorllewin Cymru.

Mae’r Datganiad o Bolisïau Cyfrifyddu ar dudalennau 9 i 16 yn esbonio’r egwyddorion a’r sail y paratowyd Cyfrifon yr Awdurdod arnynt.

Mae’r Cyfrifon ar gyfer y flwyddyn a ddaeth i ben ar yr 31ain o Fawrth 2009 wedi eu hamlinellau ar dudalennau 18 i 48. Maent yn cynnwys:-

• Y Cyfrif Incwm a Gwariant - mae hwn yn crynhoi’r adnoddau a grëwyd ac a ddefnyddiwyd wrth ddarparu gwasanaethau a rheoli’r Awdurdod yn ystod y flwyddyn ddiwethaf.
• Datganiad o Symudiadau ar Falans y Gronfa Gyffredinol – mae’r datganiad hwn yn cysoni’r gwahaniaeth rhwng canlyniad y Cyfrif Incwm a Gwariant a Balans y Gronfa Gyffredinol, hynny yw, y cyfraniadau a dderbyniwyd oddi wrth yr Awdurdodau Unedol Cyfansoddol.
• Y Datganiad o Gyfanswm Enillion a Cholledion Cydnabyddedig – mae hwn yn cofnodi’r holl enillion a cholledion, yn cynnwys y rhai hynny nad sydd wedi eu cofnodi yn y Cyfrif Incwm a Gwariant. Mae’n mesur y cynnydd yng ngwerth net mantolen yr Awdurdod.
• Y Fantolen – mae hon yn crynhoi asedau a rhwymedigaethau’r Awdurdod ar ddiwedd y flwyddyn, ac mae’n dangos sut mae asedau a rhwymedigaethau’n cael eu hariannu.
• Y Datganiad Llif Arian - mae hwn yn crynhoi mewnlif ac all-lif arian gyda thrydydd parti.
• Y Cyfrif Cronfa Bensiwn – mae hwn yn crynhoi’r symudiadau sy’n ymwneud â Chynllun Pensiwn y Diffoddwyr Tân.
• Nodiadau i gyd-fynd â’r datganiadau uchod.