Os oes gennych chi gwestiwn ynglŷn â diogelwch tân yr hoffech i ni ei ateb, anfonwch e-bost at crr@mawwfire.gov.uk

Dyma rai o’r cwestiynau mwyaf cyffredin:


Cwestiwn: Gyda phwy y dylwn i gysylltu os ydw i eisiau Archwiliad?
Ateb:Y Gwasanaeth Tân ac Achub ar 0800 169 1234.

Cwestiwn: A yw’r cynllun ar gael i bawb?
Ateb: Ydy, unrhyw un sydd eisiau gwneud eu cartref yn fwy diogel rhag tân.

Cwestiwn: A oes prawf modd ar ei gyfer?
Ateb: NAC OES …. mae gan bawb yr hawl i fod yn fwy diogel yn eu cartref.

Cwestiwn: Os ydych chi wedi cael archwiliad, a allwch chi gael un arall?
Ateb: Gallwch, yn enwedig os ydych chi wedi symud cartref neu os yw’r amgylchiadau yn eich cartref wedi newid.

Cwestiwn: Beth os oes rhywbeth yn mynd o’i le ar y larymau rydych chi wedi’u gosod?
Ateb: Mae llinell gymorth wedi’i darparu gan y cyflenwyr.  Ffoniwch 02476 236663 a bydd larwm newydd yn cael ei bostio atoch chi ar unwaith os oes angen.

Cwestiwn: Mae gennyf i larymau mwg yn barod, a allaf gael archwiliad o hyd?
Ateb: Gallwch. Gallem newid y larymau sydd gennych chi am larymau deng mlynedd.  Nid yw’r archwiliad yn ymwneud â gosod larymau mwg yn unig, gallwn leihau’r perygl o dân mewn nifer o ffyrdd.

Cwestiwn: A ydych chi’n darparu synwyryddion carbon monocsid?
Ateb: Nac ydym, ond rydym yn argymell y dylid eu gosod.  Byddwn hefyd yn rhoi cyngor i chi ynglŷn â gwenwyno gan garbon monocsid.

Cwestiwn: A oes gennych chi rym i orfodi unrhyw un o’ch argymhellion mewn annedd breifat?
Ateb: Nac oes ………. castell pawb yw ei dŷ ond hoffem ei wneud mor ddiogel â phosibl ar eich cyfer.