Gwasanaeth Tân Ac Achub Canolbarth a Gorllewin Cymru

Ymuno â’r Gwasanaeth

Mae Gwasanaeth Tân ac Achub Canolbarth a Gorllewin Cymru yn ymrwymedig i helpu ei staff i gyflawni a chynnal ansawdd da o fywyd, trwy gynnig amryw o gynlluniau yn y gweithle i gynorthwyo gweithwyr, yn cynnwys:

Cynllun pensiwn cyflog terfynol
Trefniadau gweithio hyblyg
Hyd at 33 diwrnod o wyliau blynyddol
Cynllun talebau gofal plant, sy’n galluogi rhieni sy’n gweithio i dderbyn gostyngiad yn y dreth ar gostau gofal plant
Trefniadau gwyliau arbennig sy’n cynorthwyo ein gweithwyr gyda'u cyfrifoldebau cymdeithasol a theuluaidd
Cwnsela i weithwyr a’u teulu agos trwy gyfrwng y rhaglen FirstAssist
Gwasanaeth iechyd galwedigaethol

Datblygu Gyrfa

Wrth ddatblygu ein sefydliad, ar hyn o bryd rydym yn edrych ar ffyrdd arloesol o ddatblygu ein gweithwyr ar gyfer y dyfodol. Rydym wedi bod yn canolbwyntio ar:

Cynorthwyo i gyrraedd y safon Buddsoddwyr mewn Pobl
Cynorthwyo gweithwyr wrth ddatblygu eu gyrfa nawr ac yn y dyfodol, trwy werthusiadau rheolaidd a chynlluniau datblygu hyfforddiant.

Cyflog

Mae Gwasanaeth Tân ac Achub Canolbarth a Gorllewin Cymru yn cynnig amrywiaeth gystadleuol o gyflogau, ac yn ddiweddar mae wedi cyflwyno strwythurau cyflog newydd, i sicrhau ein bod yn denu ac yn cadw pobl o ansawdd ar bob lefel ar gyfer y dyfodol.

Gwyliau

Yn ogystal ag 8 gŵyl y banc, rydym yn cynnig hawliau o hyd at 33 diwrnod o wyliau’r flwyddyn. Caiff gwyliau i weithwyr rhan amser eu cyfrif ar sail pro-rata.

Oriau Gwaith

Rydym yn gweithredu amryw o batrymau gweithio i ddiwallu anghenion ein cwsmeriaid a’n gweithwyr. Rydym yn gweithredu cynllun oriau gweithio hyblyg ac mae cynlluniau eraill yn cael eu datblygu i alluogi ein gweithwyr i gadw cydbwysedd priodol rhwng bywyd a gwaith, trwy gyfrwng cyfleusterau megis gweithio hyblyg, seibiant gyrfa, trefniadau rhannu swydd ayb.

Cynlluniau Pensiwn

Cynllun Pensiwn Llywodraeth Leol - Staff Cymorth a Chanolfan Reoli

Gorchymyn Cynllun Pensiwn y Diffoddwyr Tân (Cymru) 2007

Iechyd Galwedigaethol

Fel rhan o’n hymrwymiad at fod yn iach i weithio, rydym yn darparu nifer o brosesau i gynorthwyo ein gweithwyr yn y maes hwn, yn cynnwys Gwasanaeth Iechyd Galwedigaethol.

Mae’r Gwasanaeth yn anelu at isafu’r risg i iechyd a diogelwch, trwy sicrhau bod gweithwyr yn dal i fod yn iach ar gyfer y rolau maent yn eu cyflawni.

Gwybodaeth Ychwanegol

Pam ddylech chi ymuno â ni
Mae Gwasanaeth Tân ac Achub Canolbarth a Gorllewin Cymru yn ymrwymedig i helpu ei staff gyflawni a chynnal ansawdd da o fywyd, trwy gynnig amryw o gynlluniau yn y gweithle i gefnogi gweithwyr.
mwy »

Profiad Gwaith
Mae'r chwe Ardal Reoli Sirol fel a ganlyn, a gellir cysylltu â phob un ohonynt ar brif rif ffôn y Gwasanaeth 0370 6060699.
mwy »

Ymholiadau Recriwtio
Mae'r chwe Ardal Reoli Sirol fel a ganlyn, a gellir cysylltu â phob un ohonynt ar brif rif ffôn y Gwasanaeth 0370 6060699.
mwy »