Beth mae’n ei olygu?

Oddi fewn i fframwaith datrys problemau mae’n ymdrin â materion megis: - Ymddygiad byrbwyll Empathi Meddyliau amgen a chreadigol Consequential thinking Mae’n cwmpasu agweddau megis gwneud penderfyniadau anwybodus a gwneud rhagdybiaethau. Mae’r rhaglen yn datblygu’r thema o ymwybyddiaeth o’r dioddefwr. Oddi fewn i fframwaith y rhaglen ceir aseiniadau sy’n medru ymrwymo’r teulu cyfan. Pwy sy’n ymwneud â’r rhaglen Rydym yn defnyddio tîm o weithwyr achos addysg arbenigol, a hyfforddwyd i ymdrin â phlant a phobl ifanc sydd wedi dangos diddordeb mewn tân. Caiff pob un o’r gweithwyr achos yma eu cyflogi gan y Gwasanaeth Tân ac Achub.

Ymholiadau am Atgyfeiriadau

Gellir derbyn atgyfeiriadau oddi wrth amrywiol ffynonellau. Yn cynnwys:

1. Rhieni’n cysylltu â Gwasanaeth Tân ac Achub Canolbarth a Gorllewin Cymru yn uniongyrchol.
2. Asiantaethau eraill megis yr Heddlu a Gwasanaethau Cymdeithasol.
3. Unedau Atgyfeirio Disgyblion.
4. Sefydliadau gofal megis Gwasanaeth Iechyd Meddwl Plant a Phobl Ifanc Trehafod.
5. Meddygon a’r Uned Losgiadau yn Ysbyty Treforys.
6. Diffoddwyr Tân.
7. Timau Troseddwyr Ifanc.

Os ydych am atgyfeirio rhywun cysylltwch â’r:

Cydlynydd Cynnwyr Tanau
Gwasanaeth Tân ac Achub Canolbarth a Gorllewin Cymru
Pencadlys Diogelwch yn y Gymuned
Heol Sway
Treforys
Abertawe
SA6 6JA

Beth mae’n ei olygu? Mae’r rhaglen yn gweithredu’n syth i roi mesurau Diogelwch Tân dros dro i’r rhiant neu’r gwarcheidwad i’w gweithredu yn y cartref. Yn ogystal, bydd Gwasanaeth Tân ac Achub Canolbarth a Gorllewin Cymru yn trefnu i gynnal Asesiad Risg o Dân yn y Cartref am ddim, a bydd yn gosod larymau mwg os oes angen.

Lluniwyd y rhaglen i roi cyfarwyddyd i rieni a gwarcheidwaid sy’n ymwneud â phlant a phobl ifanc sy’n chwarae â thân, trwy ddarparu rhaglen addysg strwythuredig i bobl ifanc a chyngor i rieni ar sut i atal chwarae â thân ac ymddygiad o gynnau tanau.

Heb ymyrraeth rhaglen o’r fath gallai’r ymddygiad o gynnau tanau waethygu, gan arwain at ganlyniadau difrifol megis anafiadau personol, difrod i gartrefi, ysgolion ac eiddo.

Bydd y gweithiwr achos yn ymweld â’r plentyn ar ôl trefnu amser a dyddiad cyfleus gyda’r rhiant neu’r gwarcheidwad. Bydd cymhorthion dysgu addas yn cael eu defnyddio i addysgu’r plentyn am ddiogelwch rhag tân. Bydd yn cael ei benderfynu’n unol â’r digwyddiad ac hefyd i ddiwallu steil y plentyn o ddysgu. Bydd y gweithiwr achos yn cysylltu eto mewn 2 – 3 wythnos wedi’r ymweliad cychwynnol. Os na chafwyd unrhyw ddigwyddiadau pellach bydd yr achos yn cael ei gau.

Rydym yn defnyddio tîm o weithwyr achos addysg arbenigol, a hyfforddwyd i ymdrin â phlant a phobl ifanc sydd wedi dangos diddordeb mewn tân. Caiff pob un o’r gweithwyr achos yma eu cyflogi gan y Gwasanaeth Tân ac Achub ac maent yn cynnwys diffoddwyr tân a staff cefnogi.

Dylai rhieni a gwarcheidwaid fod yn ymwybodol o arwyddion arferol cynnau tanau, er enghraifft;

• Tyllau llosg bach mewn carpedi, papur wedi’i losgi yn y sinc neu’r bin sbwriel.
• Matsis neu danwyr sigaréts wedi eu cuddio yng nghypyrddau a droriau’r plentyn, neu o dan y gwely neu yn y bag ysgol.
• Mae’r plentyn yn dangos diddordeb anarferol mewn tân.
• Tanau anhysbys yn y cartref.

Mae angen cydnabod ac ymdrin ag ymddygiad o chwarae â thân ymhlith plant a phobl ifanc, i sicrhau nad yw’n parhau pan fyddant yn oedolion.

Cyngor cyffredinol hyd yn oed os nad yw plant bach yn dangos unrhyw ymddygiad o gynnau tanau, efallai bod ganddynt ddiddordeb mewn tân, chwythu canhwyllau allan ar gacen pen-blwydd neu gwylio oedolyn yn cynnau sigarét. Nid yw’n anghyffredin i blant mor ifanc a dwy flwydd oed i ddangos diddordeb mewn tân a / neu ddynwared gweithredoedd eu rhieni neu warcheidwaid.

Gyda’r chwilfrydedd hwn daw angen i rieni a gwarcheidwaid i gymryd rhagofalon diogelwch tân, i wneud y cartref yn lle mwy diogel i blant.

Buasai cyngor sylfaenol ar ddiogelwch rhag tân i rieni a gwarcheidwaid yn cynnwys;

• Peidiwch gadael plentyn ar ei ben ei hun mewn ystafell lle mae cannwyll yn llosgi, tân agored neu wresogydd, neu yn y gegin os yw’r popty ymlaen.
• Cadwch tanwyr sigaréts a deunydd ysmygu allan o gyrraedd plant. Mae hyd yn oed plant bach yn medru cynnau matsen neu daniwr sigaréts - gwell diogel nac edifar!
• Defnyddiwch giardiau sefydlog o amgylch tanau agored a gwresogyddion pan fod plant o gwmpas.
• Peidiwch â denu plant yn agos at dân trwy osod pethau y byddant yn dymuno’u cyffwrdd neu weld ar y pentan.
• Dysgwch blant i gadw draw oddi wrth dân o unrhyw fath.
• Esboniwch mai adnodd yw tân nid tegan.
• Yr angen am larymau mwg. Argymhellir bod larwm yn cael ei osod ym mhob ystafell yn y ty, ac eithrio’r ystafell ymolch, y toiled a’r gegin.
• Profwch larymau mwg yn wythnosol trwy bwyso’r botwm a newidiwch y batri unwaith y flwyddyn, neu pan fod angen.
• Lluniwch gynllun diogelwch rhag tân yn y cartref gyda’ch teulu a chofiwch ei ymarfer.