07.01.2026

Digwyddiad: Diffoddwyr Tân yn Achub Lizzie y Ci Defaidyng Nghaersws

Ddydd Mawrth, Ionawr 6ed, achubodd criw Gorsaf Dân y Drenewydd Lizzie y ci collie yng Nghaersws, ar ôl iddi syrthio a mynd yn sownd mewn mwd meddal.

Gan Steffan John

Categorïau



Am 10.25yb, ddydd Mawrth, Ionawr 6ed, galwyd criw Gwasanaeth Tân ac Achub Canolbarth a Gorllewin Cymru o Orsaf Dân y Drenewydd i ddigwyddiad yng Nghaersws.

Gwnaeth y criw, gan deithio mewn dwy injan dân, ac yn cynnwys tîm dŵr arbenigol, achub ci defaid o’r enw Lizzie.  Roedd Lizzie wedi bod allan yn cerdded gyda’i pherchennog ger afon pan ddymchwelodd y lan a syrthiodd, gan fynd yn sownd mewn mwd meddal ar ymyl y dŵr.

Defnyddiodd y criw offer diogelwch dŵr, strapiau ac ysgol i gael Lizzie yn ôl i dir sych a sefydlog, ac i’w hailuno â’i pherchennog.

Gwelwyd rhai o aelodau criw'r Drenewydd gyda Lizzie a’i pherchennog yn y llun.




Diogelwch ar Lannau Afonydd

Cadwch yn ôl o ymyl glannau afonydd uchel a chymerwch ofal arbennig wrth gerdded yn agos atynt.

Er y gall glannau afonydd ymddangos yn gadarn, maent yn aml wedi’u tangloddio gan erydiad pan fydd lefelau’r dŵr wedi bod yn uwch a’r cerrynt yn gryfach.  Gall hyn wneud y ddaear yn ansefydlog ac yn dueddol o gwympo.



Dewch yn Ddiffoddwr Tân Ar Alwad a Gwnewch Wahaniaeth Go Iawn

Mae Gwasanaeth Tân ac Achub Canolbarth a Gorllewin Cymru ar hyn o bryd yn recriwtio ar gyfer Diffoddwyr Tân Ar Alwad.  Mae Diffoddwyr Tân Ar Alwad yn rhan hanfodol o’n Gwasanaeth ac eich cymuned.

Mae rôl Diffoddwr Tân Ar Alwad yn darparu llawer o gyfleoedd ar gyfer datblygiad personol a phroffesiynol, trwy hyfforddiant, gwaith tîm, arweinyddiaeth a datrys problemau. Mae Diffoddwyr Tân Ar Alwad yn derbyn tâl am eu gwasanaethau, gan gynnwys ffioedd cadw a thaliadau galw allan, gan ychwanegu at eu hincwm o gyflogaeth arall.

 MWY O WYBODAETH
Erthygl Flaenorol Erthygl Nesaf

Y Newyddion Diweddaraf

GWELD POB NEWYDDION