Digwyddiadau

Yn amrywio o ddiwrnodau agored llawn gweithgareddau i olchi ceir a diwrnodau profiad, mae rhywbeth at ddant pawb



Mae yna groeso cynnes i bawb yn ein digwyddiadau cymunedol, gan gynnig cyfle gwych i chi gysylltu â’ch diffoddwyr tân lleol a chefnogi’r digwyddiadau a arweinir gan y gorsafoedd.

Nodwch y dyddiadau yn eich calendrau a chadwch olwg ar ein tudalennau ar y cyfryngau cymdeithasol i gael y newyddion diweddaraf a manylion am y digwyddiadau.

Peidiwch da chi â cholli allan ar y cyffro - dilynwch ni ar y cyfryngau cymdeithasol a gwahoddwch eich ffrindiau a’ch teulu.



Digwyddiadau






Mae gan Wasanaeth Tân ac Achub Canolbarth a Gorllewin Cymru galendr prysur o ddigwyddiadau ymgysylltu â'r gymuned drwy gydol y flwyddyn.



Ymunwch â’r Diffoddwr Tân Ar Alwad, Rhys Fitzgerald, am daith gerdded elusennol a fydd yn cynnwys Gorsafoedd Tân Cydweli, Llanelli a Sgeti!

Mae Rhys wrthi’n hyfforddi i ddringo i gopa Mynydd Everest eleni.  Ymunwch ag ef ar ei daith codi arian elusennol am gyhyd neu gyn lleied ag y dymunwch.  Cychwyn o Orsaf Dân Cydweli am 8yb.

Am fwy o wybodaeth, e-bostiwch Rhys ar R.Fitzgerald@mawwfire.gov.uk

📅 Dydd Sadwrn, 17 Mai 2025
📍 Gorsaf Dân Cydweli am 8yb

 

Byddwn yn Pride Abertawe unwaith eto eleni, ddydd Sadwrn yma, 17 Mai, yn Neuadd y Ddinas yn Abertawe.

Bydd yr orymdaith yn dechrau am 11am ac yn mynd trwy ganol y ddinas ar hyd Stryd Rhydychen a Heol San Helen i Neuadd y Ddinas lle cynhelir y prif ddigwyddiad sy’n cynnwys adloniant byw trwy gydol y dydd tan 7pm.

Y tu allan i Neuadd y Ddinas bydd bwyd a diod yn ogystal â masnachwyr sy'n cynnig amrywiaeth o nwyddau. Mae'r digwyddiad hwn yn rhad ac am ddim felly galwch heibio ein stondin i gael sgwrs gyda'n Tîm Diogelwch Cymunedol.

Bydd peiriant yn yr orymdaith a'r prif ddigwyddiad, ac wrth gwrs, bydd Sbarc yno yn dathlu gyda ni.

Dysgwch fwy

Mae Her Diffoddwyr Tân Cymru yn ddigwyddiad chwaraeon rhanbarthol sy'n cael ei gynnal ochr yn ochr â Her Diffoddwyr Tân Prydain. Mae’n ddigwyddiad ar gyfer diffoddwyr tân o bob cwr o'r byd – rhai sy'n gwasanaethu a rhai sydd wedi ymddeol. Nodau'r digwyddiad hwn yw codi arian y mae mawr ei angen ar gyfer Elusen y Diffoddwyr Tân a hefyd codi ymwybyddiaeth o fewn y cymunedau yr ydym yn gwasanaethu ynddynt.
📅 Dydd Sadwrn Mehefin 7fed
📍 Sgwâr Dylan Thomas, Abertawe


Dyddiau Agored







Dewch i ymweld â ni yn un o'n Diwrnodau Agored ar draws Canolbarth a Gorllewin Cymru! Dyma gyfle i gael ychydig o hwyl rhyngweithiol, wrth i chi gamu i esgidiau diffoddwr tân a chael blas ar yr amrywiol weithgareddau ac arddangosiadau sydd wedi'u cynllunio ar gyfer y diwrnod. Cewch weld y gwaith anhygoel y mae ein harwyr lleol yn ei wneud a chael cipolwg ar fyd diffodd tanau.

 




Ymunwch â ni yng Ngorsaf Dân Castell Newydd Emlyn ddydd Sadwrn, Mehefin 21ain, am Ddiwrnod Agored yn llawn hwyl a sbri yn addas at bob oed!
  • Arddangosiadau
  • Lluniaeth
  • Gweithgareddau i blant
Holl arian a godir yn cael ei roi i Elusen y Diffoddwyr Tân.

Ymunwch â ni yng Ngorsaf Dân Doc Penfro ddydd Mercher, Gorffennaf 30ain, am Ddiwrnod Agored yn llawn hwyl a sbri yn addas at bob oed!
  • Arddangosiadau
  • Lluniaeth
  • Gweithgareddau i blant


Golchfeydd Ceir







A oes angen golchi eich car? Rydyn ni yma i helpu! Dewch i un o’n digwyddiadau Golchi Ceir ac am gyfraniad i elusen, fe wnawn ni’n siŵr bod eich car yn disgleirio. Bydd yr arian sy’n cael ei godi yn mynd tuag at Elusen y Diffoddwyr Tân ac elusennau lleol eraill sy’n cael eu dewis gan yr Orsaf Dân dan sylw.




Dewch i gefnogi Golchfa Ceir Gorsaf Dân Aberystwyth ar ddydd Sadwrn, Mai 3ydd!
Bydd y criw yn cynnal y Golchfa Ceir yng Ngorsaf Dân Aberystwyth rhwng 10yb-3yp, gyda’r holl arian a godir yn cael ei roi i Elusen y Diffoddwyr Tân.
Dewch i olchi eich car wrth gefnogi eich diffoddwyr tân lleol a dau chos teilwng iawn ar yr un pryd!


Dyddiau Profiad a Recriwtio



Eisiau gwybod mwy am y Gwasanaeth Tân a dod yn Ddiffoddwr Tân? Rydym yn cynnal amrywiaeth o ddigwyddiadau gan gynnwys Diwrnodau Profiad, Diwrnodau Dangos a Dweud a Nosweithiau Recriwtio. Edrychwch isod i gael gwybod pa ddigwyddiadau sy’n cael eu cynnal yn lleol i chi, a gobeithiwn eich gweld yn fuan!




Bydd Gwasanaeth Tân ac Achub Canolbarth a Gorllewin Cymru'n cynnal Diwrnod Profiad Diffoddwr Tân, ddydd Sadwrn, Mai 31ain, rhwng 10yb a 2yp.

Mae Gwasanaeth Tân ac Achub Canolbarth a Gorllewin Cymru yn gyfrifol am ddarparu gwasanaeth ymateb brys i bron i 12,000 cilomedr sgwar – bron i ddwy rhan o dair o Gymru. Mae Diffoddwyr Tân Ar Alwad yn rhan hanfodol o’n Gwasanaeth a’ch cymuned - mae 75% o'n gorsafoedd tân yn cael eu criwio'n gyfan gwbl gan Ddiffoddwyr Tân Ar Alwad.

Os ydych chi erioed wedi ystyried dod yn ddiffoddwr tân, mae mynychu Diwrnod Profiad yn ffordd wych o’ch helpu i wneud penderfyniad gwybodus cyn mynd ati i wneud cais.

Yn ystod y sesiwn, cewch gyfle i wisgo dillad diffodd tân, dysgu sut i roi offer at ei gilydd a chymryd rhan mewn ymarfer ymarferol. Bydd criw Gorsaf Dân Llanfyllin hefyd wrth law i ateb unrhyw gwestiynau a rhoi cipolwg ar fywyd fel Diffoddwr Tân.

Bydd ein Diwrnod Profiad Diffoddwr Tân yn cynnwys:

  • rôl diffoddwr tân modern
  • gwisgo cit a chyfarpar diffodd tanau amdanoch
  • gwahanol agweddau'r broses recriwtio
  • pwysigrwydd ffitrwydd a chynnal ffitrwydd
  • y gwahanol fathau o gyfarpar a chyfarpar diogelu personol
  • llwybrau gyrfa a mapiau rolau

Mae'n rhaid archebu ymlaen llaw.  I archebu eich lle, ewch yma os gwelwch yn dda.