Diogelwch Tân Pwlltân

Cyn i chi gynnau eich tân 

• Gwnewch yn siŵr bod eich pwll tân yn sefydlog, i leihau'r risg y bydd yn dymchwel.
• Peidiwch â gosod eich pwll tân ar ddecin nac wrth ymyl coed neu strwythurau fel siediau neu ffensys.
• Gwiriwch y tywydd lleol a chyfeiriad y gwynt cyn cynnau eich tân. Gwnewch yn siŵr bod unrhyw beth fflamadwy gerllaw, i’r cyfeiriad y mae’r gwynt yn chwythu iddo, yn cael ei symud.
• Cyn i chi gynnau eich tân, gwnewch yn siŵr bod gennych fodd o’i ddiffodd wrth law – cadwch fwced o ddŵr, tywod neu bibell ddyfrhau gerllaw rhag ofn.

Byddwch yn gymydog da

• Wrth losgi unrhyw beth yn eich gardd, ystyriwch yr effaith y gallai'r mwg ei chael ar eich cymdogion. 
• Gall mwg o'ch tân orfodi pobl i gau ffenestri a'u hatal rhag oeri eu cartrefi. Mae pobl ag anawsterau anadlu ac anhwylderau anadlu yn aml yn dioddef mwy mewn amodau poeth a gall y mwg o dân wneud eu cyflwr yn waeth. 
• Os yw'ch cymdogion wedi rhoi eu golch allan, rhowch wybod iddynt am eich bwriad i gynnau tân fel eu bod yn cael cyfle i'w gasglu cyn i chi ddechrau llosgi. 
• Byddwch yn barod i ddiffodd eich tân. Os yw eich tân yn cael effaith ar gymydog, peidiwch â'i gymryd yn bersonol. Y peth ystyriol i'w wneud fyddai diffodd y tân a lleddfu eu hanesmwythder.

Goleuo eich pwll tân

• Peidiwch byth â defnyddio cemegau fel petrol i ddechrau eich tân; yn hytrach, defnyddiwch briciau i greu tân bach ac yna ychwanegu darnau mwy o bren yn raddol.
• Gwnewch yn siŵr eich bod yn defnyddio pren wedi ei sychu i leihau'r risg o wreichion a mwg.
• Peidiwch byth â defnyddio pren wedi'i baentio, ei orchuddio neu ei drin â chemegion oherwydd gall y rhain ryddhau cemegau gwenwynig i'r awyr.
• Peidiwch byth â llosgi pethau fel plastig, rwber neu wastraff cyffredinol - gall y rhain hefyd ryddhau cemegau gwenwynig i'r awyr.

Cadwch blant yn ddiogel

• Ni ddylai plant chwarae'n agos at unrhyw dân.
• Gwnewch yn siŵr bod plant yn cael eu goruchwylio'n iawn a rhybuddiwch eich gwesteion am y peryglon hefyd.

Mwynhau eich pwll tân

• Peidiwch byth â gadael unrhyw dân heb ei oruchwylio, boed yn farbeciw, pwll tân neu’n dân mewn chimenea.
• Nid yw tân ac alcohol yn gyfuniad da. Peidiwch ag yfed gormod o alcohol os mai chi sy’n gyfrifol am y tân.
• Mae'n arfer da gosod 'parth diogel' o amgylch eich pwll tân a sicrhau nad yw plant a gwesteion yn mynd i mewn iddo.
  
  

Cofiwch

• Gwnewch yn siŵr bod eich pwll tân wedi'i ddiffodd yn llwyr cyn i chi fynd i'r gwely.