#LosgiiAmddiffyn



Mae Bwrdd Tanau Gwyllt Cymru yn annog ffermwyr a thirfeddianwyr i #LosgiiAmddiffyn cefn gwlad Cymru y tymor llosgi hwn.

Wrth i'r haf hir, poeth ddod i ben a’n bod ni’n symud i'r hydref, gyda llystyfiant sych a gostyngiad mewn tymheredd, mae'r tymor llosgi yn dechrau yn swyddogol.

Mae 2025 wedi gweld cynnydd digynsail mewn tanau gwyllt ledled Cymru. Gan gyfuno tanau glaswelltir, coetir, cnydau a thanau gwyllt, mae'r tri Gwasanaeth Tân ac Achub wedi ymateb i gyfanswm o 3289 o ddigwyddiadau ers mis Ionawr 2025, y nifer fwyaf o ddigwyddiadau ers 2018.

Mae Bwrdd Tanau Gwyllt Cymru eisiau atgoffa ffermwyr a thirfeddianwyr y gall llosgi grug, glaswellt, rhedyn ac eithin ddigwydd o 1 Hydref hyd at 15 Mawrth (hyd at 31 Mawrth mewn ardaloedd Ucheldir), fodd bynnag, mae'n rhaid iddynt gael Cynllun Llosgi ar waith i sicrhau eu bod yn llosgi'n ddiogel.

Rydych chi'n chwarae rhan hanfodol wrth amddiffyn ein cymunedau rhag effeithiau dinistriol tanau gwyllt. Nid yn unig y mae eich tir a'ch bywoliaeth yn bwysig i chi ond maent hefyd yn hanfodol i'n hecosystem a'n heconomi. Rydym yn eich annog i fabwysiadu mesurau atal tanau gwyllt effeithiol wrth losgi’ch tir.

Dywedodd Andrew Wright, Gadeirydd Bwrdd Tanau Gwyllt Cymru ac Uwch Gynghorydd Arbenigol - Iechyd Planhigion a Throsglwyddo Gwybodaeth gyda Cyfoeth Naturiol Cymru:



"Fel rheolwyr tir, rydych chi'n chwarae rhan hanfodol wrth ddiogelu ein cymunedau rhag effeithiau dinistriol tanau gwyllt. Mae eich tir a'ch bywoliaeth nid yn unig yn hanfodol i chi ond maent hefyd yn hanfodol i'n hecosystem ehangach ac i’r economi. Rydym yn eich annog i weithredu strategaethau atal tanau gwyllt effeithiol wrth losgi’ch tir. Mae llosgi'ch tir mewn modd cyfrifol yn hanfodol i amddiffyn eich asedau, sicrhau diogelwch eich teulu a chynnal cynhyrchiant eich tir tra hefyd yn sicrhau eich bod yn parchu cefn gwlad ac yn chwarae eich rhan i ddiogelu ein hamgylchedd a chadw ein cymunedau'n ddiogel."

Mae youtube.com wedi'i rwystro oherwydd eich dewisiadau cwci cyfredol, gallwch newid y rheini trwy glicio ar y botwm cwci yn y gornel dde isaf ar unrhyw dudalen.



Ynglŷn â Bwrdd Tanau Gwyllt Cymru

Mae Bwrdd Tanau Gwyllt Cymru yn ddull aml-asiantaethol o wella ein dealltwriaeth a’n rheolaeth o’r perygl y mae tanau gwyllt yn ei achosi i amgylchedd a chymunedau Cymru.

Mae ei nodau a’i amcanion, a gyflwynir trwy Siarter Tanau Gwyllt Cymru, yn adeiladu ar y sylfaen o wybodaeth a phrofiad a enillwyd dros y degawd diwethaf, tra’n ystyried perygl hollbresennol newid hinsawdd yn ogystal â chydnabod gwerth annog cymunedau ac unigolion i weithio gyda’i gilydd i ddiogelu'r ardaloedd lle maen nhw’n byw ac yn gweithio ac ardaloedd maen nhw’n ymweld â nhw.

Amcan y bwrdd yw ymgysylltu â chynulleidfaoedd amrywiol, cydweithio er mwyn cefnogi’r gwaith o reoli tanau gwyllt, a gwrando a rhannu datrysiadau ymarferol ar gyfer Cymru. Trwy ddefnyddio’r dull cydweithredol hwn, mae’r asiantaethau sy’n rhan o Fwrdd Tanau Gwyllt Cymru yn gobeithio sicrhau gwell dealltwriaeth o'r hyn y gellir ei wneud i gyfyngu ar nifer y tanau gwyllt, a thrwy hynny leihau'r difrod y gallan nhw ei achosi i'n hamgylchedd.





Gweithio gyda'n gilydd i amddiffyn Cymru a’n cefn gwlad

Bydd dull Bwrdd Tanau Gwyllt Cymru o reoli’r risg o danau gwyllt yn cynnwys tair thema allweddol, gyda phob un wedi’i chynllunio er mwyn sicrhau ein bod ni’n gallu canolbwyntio ar y meysydd sydd nid yn unig angen y sylw mwyaf ond hefyd a fydd yn cael y dylanwad mwyaf o ran gwella’n dealltwriaeth o danau gwyllt a sut y gall y Bwrdd reoli eu heffaith yn gadarnhaol.

  • Partneriaethau - Trwy weithio mewn dull partneriaeth sy'n esblygu, byddwn yn dod â Llywodraeth Cymru, y Gwasanaethau Brys, Sefydliadau Cyhoeddus a Phreifat, Tirfeddianwyr a Defnyddwyr Tir at ei gilydd i reoli ac i ddatblygu ein tirwedd.
  • Gwydnwch Amgylcheddol a Chymunedol - Byddwn yn cyfrannu at reoli ein tirwedd er mwyn diogelu bywyd gwyllt; coedwigaeth a bywoliaethau; gwella lles, iechyd ac amwynderau, hwyluso cynhyrchu bwyd cynaliadwy, a chreu ymdeimlad o le a pherchnogaeth gymunedol.
  • Atal ac Amddiffyn - Byddwn yn gweithredu ystod amrywiol o dechnegau rheoli er mwyn lleihau effaith tanau gwyllt ar ein cymunedau a'r dirwedd yng Nghymru.


Adnoddau Ymgyrch Llosgi i Ddiogelu

Er gwaethaf ein llwyddiannau yn y gorffennol, mae tanau gwyllt ledled Cymru yn parhau i fod yn berygl parhaol i'n hamgylchedd, i’n heconomi ac i’n cymunedau, a thros y pedair blynedd diwethaf rydym wedi gweld arwyddion cynnar bod y gostyngiad yn nifer yr achosion yn arafu, gan awgrymu y gallen ni fod angen dull newydd o weithredu i ddiogelu ein cymunedau.

Drwy greu dull aml-asiantaethol o ymdrin ag ymwybyddiaeth o danau gwyllt, nod Bwrdd Tanau Gwyllt Cymru yw ymgysylltu â chynulleidfaoedd amrywiol, cydweithio er mwyn cefnogi’r gwaith o reoli tanau gwyllt, a gwrando a rhannu datrysiadau ymarferol ar gyfer Cymru.

Dyma pam rydym wedi datblygu'r dudalen hon, lle gall holl bartneriaid, cyfranwyr a rhanddeiliaid yr ymgyrch #LlosgiiDdiogelu gael gafael ar yr holl ddeunyddiau’n rhwydd:  

  • Pob Datganiad i'r Wasg (yn y Gymraeg a’r Saesneg) a gyhoeddwyd i gefnogi'r ymgyrch.
  • Negeseuon cyfryngau cymdeithasol dwyieithog wedi'u hysgrifennu ymlaen llaw.
  • Delweddau i chi eu lawrlwytho a’u defnyddio ar Facebook, Twitter, Instagram i gyd-fynd â'r negeseuon cyfryngau cymdeithasol a ysgrifennwyd ymlaen llaw – neu i gyd-fynd ag unrhyw negeseuon penodol eraill i’r asiantaeth yr ydych am eu postio i gefnogi'r ymgyrch.
  • Pob ffotograff a fideo o ddigwyddiadau y gellid eu defnyddio i gefnogi'r ymgyrch.
  • Unrhyw ddeunydd briffio a ddatblygir i’n cynorthwyo wrth gyfleu ein negeseuon i'n staff rheng flaen. 

Os oes gennych unrhyw gwestiynau ynglŷn â’r dull o gyfathrebu’r ymgyrch #LlosgiiDdiogelu – neu os hoffech chi drafod unrhyw ddeunydd ychwanegol a fyddai'n fanteisiol i'r ymgyrch, cysylltwch â ni ar bob cyfrif. 

Diolch yn fawr, 

Swyddfa’r Wasg GTACGC
pressofficer@mawwfire.gov.uk





Diogelwch yr Haf / Diogelu ein cefn gwlad a Chymru

Deunydd hyrwyddo a ddefnyddir yn yr ymgyrch #LlosgiiAmddiffyn.

Negeseuon Cyfryngau Cymdeithasol
Lawrlwythwch y negeseuon Cyfryngau Cymdeithasol 

Delweddau Cyfryngau Cymdeithasol
Lawrlwythwch y Delweddau





Cyngor ar greu Cynlluniau Llosgi i Ffermwyr a Thirfeddianwyr

Deunydd hyrwyddo a ddefnyddir yn yr ymgyrch #LlosgiiAmddiffyn.

Negeseuon Cyfryngau Cymdeithasol
Lawrlwythwch y negeseuon Cyfryngau Cymdeithasol 

Delweddau Cyfryngau Cymdeithasol
Lawrlwythwch y Delweddau 



Negeseuon Penodol am y Gwasanaeth Tân

Deunydd hyrwyddo a ddefnyddir yn yr ymgyrch #LlosgiiAmddiffyn.

Negeseuon Cyfryngau Cymdeithasol
Lawrlwythwch y negeseuon Cyfryngau Cymdeithasol 

Delweddau Cyfryngau Cymdeithasol
Lawrlwythwch y Delweddau 





Negeseuon Penodol am Iechyd y Cyhoedd

Deunydd hyrwyddo a ddefnyddir yn yr ymgyrch #LlosgiiAmddiffyn.

Negeseuon Cyfryngau Cymdeithasol
Lawrlwythwch y negeseuon Cyfryngau Cymdeithasol 

Delweddau Cyfryngau Cymdeithasol
Lawrlwythwch y Delweddau 



Negeseuon Amgylcheddol

Deunydd hyrwyddo a ddefnyddir yn yr ymgyrch #LlosgiiAmddiffyn.

Negeseuon Cyfryngau Cymdeithasol
Lawrlwythwch y negeseuon Cyfryngau Cymdeithasol 

Delweddau Cyfryngau Cymdeithasol
Lawrlwythwch y Delweddau 





Negeseuon wrth Ymateb i Ddigwyddiad

Deunydd hyrwyddo a ddefnyddir yn yr ymgyrch #LlosgiiAmddiffyn.

Negeseuon Cyfryngau Cymdeithasol
Lawrlwythwch y negeseuon Cyfryngau Cymdeithasol 

Delweddau Cyfryngau Cymdeithasol
Lawrlwythwch y Delweddau 



Negeseuon o Ddiolch 

Deunydd hyrwyddo a ddefnyddir yn yr ymgyrch #LlosgiiAmddiffyn.

Negeseuon Cyfryngau Cymdeithasol
Lawrlwythwch y negeseuon Cyfryngau Cymdeithasol 

Delweddau Cyfryngau Cymdeithasol
Lawrlwythwch y Delweddau 




Llethrau Llon

Mae youtube.com wedi'i rwystro oherwydd eich dewisiadau cwci cyfredol, gallwch newid y rheini trwy glicio ar y botwm cwci yn y gornel dde isaf ar unrhyw dudalen.




Peidiwch ag Anghofio

Daeth y cyfnod llosgi grug a glaswellt gyda Chynllun Llosgi i ben ar 15 Mawrth (31 Mawrth yn ardaloedd yr ucheldir).

Y Cod Llosgi Grug a Glaswellt.

Mae Bwrdd Tanau Gwyllt Cymru yn parhau i weithio gyda ffermwyr a thirfeddianwyr ledled Cymru, a gyda'n gilydd rydym yn ceisio atal colled bioamrywiaeth yng Nghymru.  Rydym yn deall y gall llosgi dan reolaeth fod yn fuddiol ac yn dda i’n tirwedd, a’i fod yn meithrin amrywiaeth fiolegol ac yn creu ecosystemau iachach.

Gall ffermwyr a thirfeddianwyr barhau i losgi grug, glaswellt, rhedyn ac eithin hyd at 15 Mawrth (hyd at 31 Mawrth ar ucheldir), ond rhaid iddyn nhw gael Cynllun Llosgi er mwyn sicrhau eu bod yn llosgi'n ddiogel.  Mae'n anghyfreithlon llosgi rhwng machlud haul a’r wawr, ac mae'n rhaid sicrhau bod digon o bobl ac offer wrth law trwy’r adeg er mwyn rheoli'r llosgi. Gall torri'r rheolau hyn arwain at gosb o hyd at £1000.  Rydym eisiau gweithio gyda'n tirfeddianwyr lleol i sicrhau nad yw hyn yn digwydd.  Gallwch gysylltu â ni am gyngor rhad ac am ddim ar losgi diogel, ac mae mwy o wybodaeth i’w gael yma Diogelwch Tân Fferm.

Gallwch ddysgu mwy am y Cod Llosgi Grug a Glaswellt a lawrlwytho Cynllun Rheoli Llosgi yma Gwefan Llywodraeth Cymru (yn agor mewn ffenestr/tab newydd).

Os gwelwch dân sy'n edrych fel y gallai fod allan o reolaeth neu'n cael ei losgi'n anghyfreithlon, yna ffoniwch CrimeStoppers (agor ffenestr/tab newydd) yn ddienw ar 0800 555 111, neu ffoniwch 101. Os yw’n argyfwng, ffoniwch 999 bob tro.




Cofiwch fod cynnau tanau bwriadol yn drosedd.

Er y gall damweiniau ddigwydd, mae rhai yn ein cymunedau sy'n mynd ati’n fwriadol i gynnau tanau yng nghefn gwlad. Mae cynnau tân bwriadol yn drosedd ac mae'r Tasglu yn apelio am wybodaeth am unrhyw un sy'n cynnau tanau yn fwriadol i ffonio 101, neu i adrodd yn ddienw i Taclo’r Tacle/CrimeStoppers (agor ffenestr/tab newydd) ar 0800 555 111. Mae dienw yn golygu na fydd eich rhif ffôn symudol, eich cyfeiriad, na lleoliad eich galwad yn cael eu tracio. Bydd y rhai sy'n cael eu dal yn cael eu herlyn.

Mae’r gwaith hwn yn cael ei gefnogi gan ein tîm Lleihau Tanau Bwriadol, tîm datrys problemau penodol ar gyfer lleihau a dileu cynnau tanau bwriadol. Mae'r tîm yn cynnwys Swyddog Heddlu ar secondiad, Swyddog Tân a thri chynghorydd tanau bwriadol arbenigol, sy’n sicrhau bod pob digwyddiad yn cael ei ymchwilio a'i ddadansoddi’n drylwyr er mwyn gwneud ein cymunedau'n fwy diogel. Mae'r tîm yn gweithio'n agos gyda'n partneriaid i dargedu ardaloedd problemus ac i ddatblygu ffyrdd o leihau tanau bwriadol a nodi pwy neu beth allai gael eu heffeithio, yn gyson. Gallwch ddarganfod mwy am waith ein Tîm Lleihau Tanau Bwriadol yma.