Diwrnod Profiad

Ydych chi wedi bod yn meddwl am ddod yn Ddiffoddwr Tân ers tro?

Efallai nad ydych wedi llwyddo i fynd amdani eto!

Mae mynd i Ddiwrnod Profiad y Gwasanaeth Tân ac Achub yn ffordd wych o’ch helpu i wneud penderfyniad gwybodus cyn mynd ati i wneud cais.

Er bod angen cofrestru neu fynegi diddordeb ymlaen llaw ar gyfer rhai, mae eraill yn fwy anffurfiol ac ar ffurf diwrnod agored.

Y naill ffordd neu'r llall, eu diben yw meithrin ymwybyddiaeth ac annog aelodau'r gymuned i weld a oes ganddynt yr hyn y mae ei angen i ymuno â'r Gwasanaeth Tân ac Achub.

Y nod yw darparu awyrgylch hamddenol, cyfeillgar lle gall aelodau o'r cyhoedd sydd â diddordeb roi cynnig ar agweddau gwahanol ar y swydd.

Bydd Diffoddwyr Tân Llawn Amser neu Ar Alwad cyfredol ar gael ar gyfer sgyrsiau anffurfiol am eu cyfrifoldebau o ddydd i ddydd a realiti’r proffesiwn. Ar gyfer diwrnodau profiad lle mae angen cofrestru eich presenoldeb ymlaen llaw, yn aml bydd yna sesiwn holi ac ateb ddynodedig gyda'r criw, y timau recriwtio a'r staff adnoddau dynol.

Nod ein Diwrnodau Profiad yw i chi ddysgu am yr amrywiol rolau a'r gofynion mynediad yn y Gwasanaeth Tân ac Achub, ac am y rôl ehangach y mae'r Gwasanaeth yn ei chwarae yn y gymuned, gan gynnwys:

• rôl diffoddwr tân modern
• gwisgo cit a chyfarpar diffodd tanau amdanoch
• gwahanol agweddau'r broses recriwtio
• pwysigrwydd ffitrwydd a chynnal ffitrwydd
• y gwahanol fathau o gyfarpar a chyfarpar diogelu personol
• llwybrau gyrfa a mapiau rolau