Digwyddiad: Criw Gorsaf Dân Treforys yn Helpu i Achub Brân

"Roedd y frân yma wirioneddol yn sownd ac yn amlwg mewn trallod," meddai Ellie. "Rydym yn ddiolchgar iawn i'r Gwasanaeth Tân ac Achub am ddod ac am ddefnyddio eu hoffer arbenigol i gyrraedd yr aderyn ar do adeilad deulawr. Gan ddefnyddio eu platfform cyrraedd yn uchel, llwyddasant i ryddhau'r frân a'i chludo i lawr yn ddiogel. Roedd bag plastig wedi'i lapio o amgylch coes chwith y frân, ac wrth geisio dianc roedd hi wedi mynd hyd yn oed yn fwy sownd. Roedd clwyf ar ei choes chwith, ond diolch byth roedd ei chorff mewn cyflwr da ac roedd yn fywiog er gwaethaf ei phrofiad cas."

"Roedd clwyf y frân wedi gwella'n dda dros nos ac fe hedfanodd yn dda pan roddwyd cynnig ar hynny. Ro’n i wedyn yn gallu ei rhyddhau yn yr un lleoliad. Roedd yn aderyn ifanc oedd wedi gadael y nyth yn ddiweddar, ac roedd y rhieni o gwmpas pan gafodd y frân ei hachub. Pan gafodd ei rhyddhau, daethant ati a hedfanon nhw i ffwrdd gyda'i gilydd, a oedd yn hyfryd i'w weld. Rydyn ni i gyd eisiau gweld bywyd gwyllt yn ffynnu yn ein cymunedau - ond yn anffodus rydyn ni'n gweld llawer o adar yn cael eu dal mewn rhwydi neu’n sownd tu ôl iddyn nhw - a gall sbwriel plastig fod y prif reswm am hyn. Gall adar ddioddef marwolaeth hir a phoenus o ganlyniad i anaf neu newyn os na allant ddianc, felly rydym yn falch iawn bod y frân hon wedi'i rhyddhau o’i chaethiwed yn llwyddiannus. Hoffem ddiolch i'r rhai a ffoniodd i roi gwybod am hyn, ac i'r Gwasanaeth Tân ac Achub am eu caredigrwydd a'u harbenigedd."