Digwyddiad: Diffoddwyr Tân yn Achub Dafad Sownd yn Aberhonddu

Am 9.46yb ddydd Llun, Awst 25ain, galwyd criw Gwasanaeth Tân ac Achub Canolbarth a Gorllewin Cymru o Orsaf Dân Aberhonddu i ddigwyddiad ger Capel Isaf yn Aberhonddu.

Ymatebodd y criw yn dilyn adroddiadau bod dafad wedi bod yn sownd ar ynys yng nghanol pwll ers wythnos. Roedd y pwll wedi'i amgylchynu gan ddŵr a thir corsiog dwfn iawn. Oherwydd y tir corsiog a’r risgiau cysylltiedig, penderfynwyd na fyddai unrhyw aelod o’r criw yn mynd i mewn i’r dŵr.

Lluniodd y criw gynllun i gocso’r ddafad i’r sled gan ddefnyddio bwyd defaid arno.  Ar y cynnig cyntaf, ni ddaeth y sled yn ddigon agos at y dafad, felly ailaddasodd aelodau’r criw yr offer a llwyddo i wrthio’r sled yn nes at y dafad ac yn y diwedd aeth ar y sled.  Yna, tynnwyd y sled yn ôl yn ofalus at y criw.

Defnyddiodd y criw sled pwmpiadwy, llinellau, gwiail simnai a pholyn telegsopig, sydd i gyd yn tynnu sylw at eu sgiliau meddwl cyflym a byrfyfyrio, yn ogystal â sgiliau cyfathrebu ardderchog i achub y ddafad yn ddiogel.

Dywedodd y Rheolwr Gorsaf Simon Prince:

"Ar yr ymgais gyntaf, ni ddaethom yn ddigon agos ac er bod y defaid wedi dangos diddordeb, aeth allan o'i dyfnder yn gyflym i gamu ar y sled.  Gwnaethom addasu ein hoffer ac yna llwyddo i wthio’r sled ymhellach tuag at y ddafad ac yn y pen draw cyrhaeddodd y sled, a thynnwyd y sled gyda’r ddafad arno yn ôl yn ofalus.

Amlygodd hyn gyfathrebu a gwaith tîm gwych a byrfyfyrio offer gan leihau unrhyw risg i'r criw."