Am 7.31yh ddydd Llun, Hydref 21, cafodd criwiau Gwasanaeth Tân ac Achub Canolbarth a Gorllewin Cymru (GTACGC) o Orsafoedd Tân y Drenewydd a Machynlleth eu galw i ddigwyddiad ger Llanbrynmair ym Mhowys.
Roedd y criwiau, ynghyd â'r gwasanaethau brys eraill, yn ymateb i wrthdrawiad rhwng dau drên ar y rheilffordd.
Mae Heddlu Dyfed-Powys wedi cadarnhau bod un dyn wedi marw yn dilyn y gwrthdrawiad, yn anffodus.
Cafodd 15 o bobl eraill eu cludo i'r ysbyty wedi eu hanafu, ond ni chredir bod yr anafiadau'n peryglu eu bywydau nac yn rhai a allai newid eu bywydau. Symudwyd yr holl deithwyr eraill o'r ddau drên.
Roedd angen ymateb amlasiantaeth ar gyfer y digwyddiad hwn, gyda Heddlu Trafnidiaeth Prydeinig, Heddlu Dyfed-Powys, Gwasanaeth Ambiwlans Cymru, Gwylwyr y Glannau EF ac asiantaethau o’r diwydiant rheilffyrdd hefyd yn bresennol.
Gadawodd criwiau GTACGC y safle am 11.11yh.
Lluniau gan Dan James Images.