24.01.2025

Digwyddiad: Tân Mewn Eiddo Adfeiliedig yn Aberdaugleddau

Ddydd Mawrth, Ionawr 21ain, ymatebodd criw Gwasanaeth Tân ac Achub Canolbarth a Gorllewin Cymru o Orsaf Dân Aberdaugleddau ei galw i dân mewn eiddo adfeiledig ym Marine Gardens yn Aberdaugleddau.

Gan Steffan John



Am 8.34yh ddydd Mawrth, Ionawr 21ain, cafodd criw Gwasanaeth Tân ac Achub Canolbarth a Gorllewin Cymru o Orsaf Dân Aberdaugleddau ei galw i ddigwyddiad ym Marine Gardens yn Aberdaugleddau.

Ymatebodd aelodau’r criw i eiddo adfeiliedig, yn mesur tua 10 metr wrth 7 metr, gydag ychydig o fwg yn dod o simnai’r eiddo.  Cafwyd mynediad i’r eiddo gan ddefnyddio offer bach ac roedd y tân wedi’i leoli mewn ystafell wely ar lawr cyntaf yr eiddo.  Defnyddiodd y criw un chwistrellwr cefn a chamera delweddu thermol i ddiffodd y tân.  Credir i’r tân gael ei gynnau’n fwriadol.

Gadawodd y criw am 9.48yh.

Llun gan The Herald Wales.



Lleihau Tanau Bwriadol

Mae cynnau tân bwriadol yn drosedd ddifrifol sy’n gallu achosi difrod enfawr a hyd yn oed arwain at golli bywydau. Mae Gwasanaeth Tân ac Achub Canolbarth a Gorllewin Cymru yn cynnal nifer o raglenni i atal cynnau tân a lleihau achosion o danau bwriadol er mwyn gwarchod y cymunedau y mae’n eu gwasanaethu.

I wybod mwy ac i wneud cais am un o’n rhaglenni ewch yma.


Erthygl Flaenorol Erthygl Nesaf