Digwyddiad: Tân mewn Lori Wair

Am 4.14yp ddydd Llun, 29 Gorffennaf, cafodd criwiau Gwasanaeth Tân ac Achub Canolbarth a Gorllewin Cymru o Orsafoedd Tân Treforys, Port Talbot, Caerfyrddin, y Tymbl a Llanelli eu galw i ddigwyddiad ar hyd yr A48 tua'r gorllewin, rhwng cylchfannau Pont Abraham a Cross Hands.

Ymatebodd y criwiau i dân mewn lori gymalog oedd yn cario tua 44 tunnell o wair.  Defnyddiodd y criwiau ddwy jet rîl pibell, un jet 45mm, un peiriant ag ysgol drofwrdd a ddefnyddiwyd fel tŵr dŵr, un triniwr telesgopig (telehandler) priffyrdd ac un tanc dŵr.  Cafodd y gwair a threlar y lori eu dinistrio'n llwyr gan dân.

Gadawodd y criwiau olaf y safle am 12.39yb ddydd Mawrth, 30 Gorffennaf.

Wrth symud y cerbyd yn oriau mân dydd Mawrth, 30 Gorffennaf, darganfuwyd bod llawer o’r gwair wedi aildanio. Cafodd y criw o Orsaf Dân Pontarddulais eu galw am 2.16am, a mynd ati i ddiffodd y tân wrth i beiriannau lwytho'r bêls i lorïau. Defnyddiodd aelodau'r criw ddwy jet rîl pibell, un ysgol fer a goleuadau. Gadawodd y criw y safle am 5.30yb.

A allech chi fod yn Ddiffoddwr Tân Ar Alwad?

Mae Diffoddwyr Tân Ar Alwad yn rhan hanfodol o’n Gwasanaeth ac eich cymuned.

Mae Gwasanaeth Tân ac Achub Canolbarth a Gorllewin Cymru ar hyn o bryd yn recriwtio Diffoddwyr Tân Ar Alwad ym mhob un o’n Gorsafoedd Tân Ar Alwad.

Mae rôl Diffoddwr Tân Ar Alwad yn darparu llawer o gyfleoedd ar gyfer datblygiad personol a phroffesiynol, trwy hyfforddiant, gwaith tîm, arweinyddiaeth a datrys problemau. Mae Diffoddwyr Tân Ar Alwad yn derbyn tâl am eu gwasanaethau, gan gynnwys ffioedd cadw a thaliadau galw allan, gan ychwanegu at eu hincwm o gyflogaeth arall.