Digwyddiad: Tân Peiriant Sychu Dillad ym Aberdaugleddau

Yn dilyn y tân hwn, mae GTACGC yn atgoffa pobl am ddiogelwch sychwyr dillad, diogelwch trydanol a nwyddion gwynion:

• Mae’r rhan fwyaf o gartrefi’n defnyddio cebl estyniad neu addaswyr er mwyn gallu cysylltu mwy o declynnau gyda soced yn y wal. Mae’n bwysig bod ffiws yn y dyfeisiau hyn er mwyn lleihau’r risg o orboethi ac achosi perygl o dân.
• Er bod ceblau estyniad yn golygu y gallwch gysylltu mwy o declynnau, nid yw hyn yn golygu ei bod bob amser yn ddiogel gwneud hynny. Mae gwahanol declynnau trydan yn defnyddio gwahanol faint o bŵer. I leihau’r risg o orboethi a thân, peidiwch byth a rhoi plygiau unrhyw declynnau i mewn os ydyn nhw i gyd gyda’i gilydd yn dod i fwy na 13 amp neu 3000 watt o ynni.

• Peidiwch BYTH â gadael peiriannau heb unrhyw un yn eu goruchwylio - peidiwch â throi'r sychwr dillad ymlaen cyn i chi adael y tŷ neu fynd i'r gwely. Mae peiriannau sychu dillad yn cynnwys moduron pwerus gyda rhannau sy'n symud yn gyflym a all fynd yn boeth iawn.
• Peidiwch â gorlwytho'ch sychwr dillad na’i ddefnyddio i sychu eitemau sydd wedi cael eu defnyddio i amsugno hylifau fflamadwy gan gynnwys olew coginio.
• Peidiwch ag anwybyddu’r arwyddion rhybudd – os gallwch arogli llosgi neu os bydd dillad yn teimlo’n boethach ar ddiwedd y cylch, gofynnwch i weithiwr proffesiynol gael golwg ar y peiriant.