Digwyddiad: Tân Peiriant Sychu Dillad ym Mhenlan

Am 12.27yb, ddydd Llun, Tachwedd 10fed, galwyd criwiau Gwasanaeth Tân ac Achub Canolbarth a Gorllewin Cymru (GTACGC) o Orsafoedd Tân Canol Abertawe a Threforys i ddigwyddiad ym Mhenlan yn Abertawe.

Ymatebodd y criwiau i dân yn effeithio ar beiriant sychu dillad mewn tŷ allan.  Defnyddiodd y criwiau un chwistrell olwyn piben i ddiffodd y tân ac un camera delweddu thermol ac un ffan awyru pwysedd positif i fonitro’r lleoliad ac i glirio mwg.

Ar ôl diffodd y tân, ymwelodd criwiau ag eiddo cyfagos i ddosbarthu cyngor a gwybodaeth diogelwch rhag tân yn y cartref.  Gadawodd y criwiau am 1.34yb.

Diogelwch Nwyddau Gwynion 

Yn dilyn y tân hwn, mae GTACGC yn atgoffa pobl am ddiogelwch sychwyr dillad a nwyddion gwynion:

• Peidiwch BYTH â gadael peiriannau heb unrhyw un yn eu goruchwylio - peidiwch â throi'r sychwr dillad ymlaen cyn i chi adael y tŷ neu fynd i'r gwely. Mae peiriannau sychu dillad yn cynnwys moduron pwerus gyda rhannau sy'n symud yn gyflym a all fynd yn boeth iawn.
• Peidiwch â gorlwytho'ch sychwr dillad na’i ddefnyddio i sychu eitemau sydd wedi cael eu defnyddio i amsugno hylifau fflamadwy gan gynnwys olew coginio.
• Peidiwch ag anwybyddu’r arwyddion rhybudd – os gallwch arogli llosgi neu os bydd dillad yn teimlo’n boethach ar ddiwedd y cylch, gofynnwch i weithiwr proffesiynol gael golwg ar y peiriant.

Mae mwy o wybodaeth am ddiogelwch nwyddau gwynion ar gael ar yma.