23.09.2025

Diolch i Gyflogwyr Diffoddwyr Tân ar Alwad: Winncare UK

Yn ogystal ag ymrwymiad ac ymroddiad Diffoddwyr Tân Ar Alwad, mae'r Gwasanaeth hefyd yn dibynnu ar amrywiaeth o gyflogwyr sy'n caniatáu i Ddiffoddwyr Tân Ar Alwad adael eu prif gyflogaeth i fynd i alwadau brys.

Gan Steffan John

Categorïau



Mae Gwasanaeth Tân ac Achub Canolbarth a Gorllewin Cymru (GTACGC) yn dibynnu ar Ddiffoddwyr Tân Ar Alwad i amddiffyn y cymunedau y mae'n eu gwasanaethu, gyda 75% o Orsafoedd Tân wedi'u criwio'n gyfan gwbl gan Ddiffoddwyr Tân Ar Alwad.

Yn ogystal ag ymrwymiad ac ymroddiad Diffoddwyr Tân Ar Alwad, mae'r Gwasanaeth hefyd yn dibynnu ar amrywiaeth o gyflogwyr sy'n caniatáu i Ddiffoddwyr Tân Ar Alwad adael eu prif gyflogaeth i fynd i alwadau brys.

Un cyflogwr o'r fath yw Winncare UK, sydd â safle yn Llanandras ym Mhowys.  Mae'r Rheolwr Criw Ar Alwad, Rob Williams, yn cydbwyso ei swyddi gyda Winncare UK a chyda Gwasanaeth Tân ac Achub Canolbarth a Gorllewin Cymru (GTACGC). 

Yn ystod ymweliad diweddar â safle Winncare UK yn Llanandras, cafodd personél GTACGC daith dywys ddifyr o amgylch y safle a phrosesau gweithgynhyrchu rhai o'i gynhyrchion.  Yn ogystal â chefnogi'r Gwasanaeth Tân ac Achub drwy ganiatáu i Ddiffoddwyr Tân Ar Alwad ymateb i alwadau brys, mae Winncare UK hefyd yn cynhyrchu offer y mae Diffoddwyr Tân yn eu defnyddio mewn rhai digwyddiadau, fel Clustog Godi Mangar Elk.



Dywedodd Debbie Jones o Winncare UK:

"Fel gwneuthurwr offer sydd wedi'u cynllunio i gefnogi'r bobl fwyaf agored i niwed yn ein cymunedau, mae'n fraint ac yn gyfrifoldeb sefyll ochr yn ochr â'r Gwasanaeth Tân ac Achub.

Mae gwybod bod rhai o'n gweithwyr ein hunain yn gallu ymateb i ddigwyddiadau brys trwy declyn galw yn rhywbeth rydyn ni'n hynod falch ohono, ac mae'n adlewyrchu'r gwerthoedd rydyn ni'n eu coleddu: gwasanaeth, gofal, a chysylltiad â’r gymuned.  Yr hyn sy'n ei wneud hyd yn oed yn fwy ystyrlon yw pan fyddant yn dychwelyd ac yn dweud wrthym eu bod wedi defnyddio un o'r union ddarnau o offer rydyn ni'n eu cynhyrchu, sef Clustog Godi Mangar Elk, i wneud gwahaniaeth ym mywyd rhywun. Mae adegau fel hynny’n ein hatgoffa pam rydyn ni'n gwneud yr hyn rydyn ni'n ei wneud."




Y Rheolwr Gorsaf Oli Tziros yn cyflwyno Plac Gwerthfawrogiad y Cyflogwr i Debbie Jones o Winncare.




Y Rheolwr Criw Ar Alwad Rob Williams o Orsaf Dân Llanandras (Aelod o Staff GTA a Winncare) gyda Debbie Jones o Winncare.




Roedd Steven Jarvis, Swyddog Ymateb Meddygol, yn bresennol i arsylwi proses weithgynhyrchu'r Mangar Elk ac i atgyfnerthu ei berthnasedd gweithredol mewn digwyddiadau Ymateb i Gwympiadau.

Erthygl Flaenorol Erthygl Nesaf

Y Newyddion Diweddaraf

GWELD POB NEWYDDION