Gwasanaeth Tân ac Achub Canolbarth a Gorllewin Cymru yn dathlu Diwrnod Rhyngwladol y Menywod

Ddydd Llun, 9 Mawrth, dathlodd Gwasanaeth Tân ac Achub Canolbarth a Gorllewin Cymru Ddiwrnod Rhyngwladol y Menywod yng Ngwesty’r Diplomat, Llanelli.

Daeth y digwyddiad â menywod o bob rhan o'r Gwasanaeth ynghyd i ddathlu cyflawniadau cydweithwyr a thynnu sylw at bynciau pwysig sy'n ymwneud ag iechyd a lles menywod.

Wrth agor y digwyddiad, croesawodd y Prif Swyddog Tân Craig Flannery y rhai oedd yno a siaradodd am bwysigrwydd cydnabod a chefnogi cyfraniadau menywod ar draws y Gwasanaeth.

Cyflwynodd tîm ffitrwydd y Gwasanaeth sesiwn ar iechyd, ffitrwydd a rheoli amser, ac yna rhannodd y Diffoddwr Tân Rebecca Rowe ei phrofiad o gerdded 1,200km ar draws Antarctica a'r gwaith y mae hi wedi bod yn ei wneud i annog menywod ifanc i ymgymryd â rolau o fewn y gwasanaeth tân.

Cyflwynodd y prif siaradwr Felicity Rowe hefyd araith bwerus am rwyfo 3,00 milltir ar draws yr Iwerydd wrth ymladd canser yn ddiarwybod, a sut y gwnaeth ei gwydnwch ei helpu i symud ymlaen.

Daeth y diwrnod i ben gyda gweithdy dan arweiniad yr hyfforddwr meddylfryd rhyngwladol Mick Stott a Victoria Embley, gan ganolbwyntio ar bŵer agwedd a meddylfryd.

Roedd y digwyddiad yn gyfle i gydweithwyr a gwesteion ddod at ei gilydd i ddathlu, myfyrio a chydnabod cyflawniadau menywod ar draws Gwasanaeth Tân ac Achub Canolbarth a Gorllewin Cymru.