Gwefan Gwasanaeth Tân ac Achub Canolbarth a Gorllewin Cymru yn Ennill Gwobr Rhagoriaeth ar y We

Mae gwefan newydd Gwasanaeth Tân ac Achub Canolbarth a Gorllewin Cymru (GTACGC) wedi ennill yn ddiweddar yn y categori 'Gwasanaeth Cyhoeddus Cymunedol' yng Ngwobrau Rhagoriaeth ar y We.

Mae Gwobrau Rhagoriaeth ar y We (Web Excellence) wedi ymrwymo i hyrwyddo rhagoriaeth ar y we a gosod safonau uchel trwy gydnabod creadigrwydd ac arloesedd digidol.  Dewisir enillwyr Gwobrau Rhagoriaeth ar y We trwy broses werthuso fanwl, sy'n cael ei harwain gan arbenigwyr o gefndiroedd amrywiol, gan sicrhau asesiad teg o sawl maen prawf gan gynnwys creadigrwydd, ymarferoldeb, arloesedd ac effaith gyffredinol.

Cafodd gwefan GTACGC, a lansiwyd ddechrau Gorffennaf 2024, ei dylunio a'i hadeiladu gan Connect Internet Solutions, yn dilyn proses dendro gystadleuol.  Gyda phwyslais ar hygyrchedd a gwell profiad i ddefnyddwyr, bu misoedd o waith datblygu a phrofi ar  wefan GTACGC.

Dywedodd Aled Lewis, Pennaeth Cyfathrebu Corfforaethol a Datblygu Busnes GTACGC:

Dywedodd Rheolwr Gyfarwyddwr Connect Internet Solutions, Janet Symes:

Mae gan wefan newydd GTACGC gyfres o dechnoleg gynorthwyol ac offer wedi'u hymgorffori i wella ei hygyrchedd, sy'n cynnwys swyddogaeth testun-i-leferydd, sy'n galluogi defnyddwyr i gael testun ar y sgrin wedi’i ddarllen yn uchel.  Gall defnyddwyr hefyd newid lliwiau, lefelau cyferbynnedd a ffontiau, nesáu heb i'r testun orlifo oddi ar y sgrin, gwe-lywio’r rhan fwyaf o'r wefan gan ddefnyddio meddalwedd adnabod llais a mwy.