Mae Wythnos Diogelwch Drysau Tân 22–26 Medi yn dechrau heddiw, a’r nod yw codi ymwybyddiaeth o'r rhan holl bwysig y mae drysau tân yn ei chwarae wrth achub bywydau ac amddiffyn eiddo os bydd tân.
Mae drysau tân yn hanfodol o ran atal lledaeniad tân a mwg, a dylai fod yn gyfrifoldeb ar bawb i wneud yn siŵr eu bod yn addas i'r diben. Ydych chi'n amau bod drws tân diffygiol yn yr adeilad rydych chi'n byw ynddo, yn gweithio ynddo, neu'n ymweld ag ef? Peidiwch ag anwybyddu’r peth – rhowch wybod i’r sawl sy’n rheoli’r adeilad neu'n berchen arno. Gallech achub bywyd y diwrnod hwnnw!
Er mwyn helpu i gadw golwg am ddrysau diffygiol a drysau sydd wedi’u gosod yn wael, cofiwch ddefnyddio'r gwiriad drysau tân 5 cam:
- Ardystiad – Chwiliwch am label, plwg neu nod tebyg i ddangos bod y drws tân wedi'i ardystio a dilynwch y cyfarwyddiadau.
- Agoriadau - Bydd addasu drysau drwy greu agoriadau ar gyfer gwydr neu griliau trosglwyddo aer yn golygu na fydd eu hardystiad yn ddilys mwyach.
- Bylchau a seliau – gwiriwch fod y bwlch o amgylch ffrâm y drws yn gyson ac o gwmpas 3 i 4mm. Sicrhewch fod seliau wedi'u gosod ar frig ac ochr y drws.
- Dyfeisiau cau – Gwiriwch fod y caewr yn cau'r drws ar y glicied o unrhyw safle – gwiriwch 75mm o'r safle caeedig.
- Gweithrediad - Gwnewch yn siŵr bod y drws yn cau'n iawn o amgylch pob rhan o'r ffrâm.
Dywedodd yr Arolygydd Diogelwch Tân, y Rheolwr Gorsaf Rhys Mullan: