Menywod sy’n Ddiffoddwyr Tân yn Ymgymryd â Her Ras Fawr y Byd

Nid dyma’r tro cyntaf iddynt ymgymryd â her aruthrol - y llynedd fe wnaethon nhw gwblhau antur ryfeddol yn yr Antarctig. Fe gerddon nhw dros 1,200km mewn 52 diwrnod, o arfordir Antarctica i Begwn y De – pellter sy’n cyfateb i 29 marathon. Nhw oedd y bobl gyntaf erioed i gwblhau'r llwybr yr oedden nhw wedi’i ddewis ac roedd eu hantur yn un heb arweiniad na chymorth gan neb arall, a hwythau’n tynnu eu slediau offer a chyflenwadau eu hunain – pob un ohonynt yn pwyso dros 100kg.

Wrth siarad am yr her, dywedodd y Diffoddwr Tân Rebecca Openshaw-Rowe o Orsaf Dân Port Talbot:

Yn ogystal â pharatoi'n gorfforol ac yn feddyliol ar gyfer Ras Fawr y Byd fis nesaf, mae Rebecca hefyd wedi treulio'r flwyddyn ddiwethaf yn codi arian ar gyfer ei her trwy dudalen Just Giving. Mae’r dudalen Just Giving yn dal i dderbyn rhoddion yn y cyfnod cyn yr her, gydag unrhyw arian dros ben yn cael ei roi i elusen enwebedig yr AFA, sef Ymddiriedolaeth y Brenin.

Bydd Rebecca yn gadael am Wolf's Fang, Antarctica ar 15 Tachwedd, ac yno y bydd hi'n dechrau'r cyntaf o'r saith marathon. Y nesaf fydd Cape Town, De Affrica, ac yna Perth, Awstralia. Bydd y pedwerydd a'r pumed marathon yn cael eu cynnal ar gyrsiau ac iddynt sawl cylch ar ochrau Asiaidd ac Ewropeaidd Pont Bosphorus, Istanbul. Yn dilyn hyn, bydd Rebecca yn mynd i Cartagena, De America cyn gorffen yn Miami, Gogledd America ar gyfer ei marathon olaf.

Mae pawb yng Ngwasanaeth Tân ac Achub Canolbarth a Gorllewin Cymru yn dymuno pob lwc i Rebecca!