Ddydd Mawrth, 17 Mehefin cynhaliwyd Parêd Cwblhau Hyfforddiant yng Ngorsaf Dân Blaendulais i ddathlu llwyddiannau’r grŵp diweddaraf o Gadetiaid Tân Gwasanaeth Tân ac Achub Canolbarth a Gorllewin Cymru (GTACGC).
Mae’r Cadetiaid Tân yn sefydliad ieuenctid cenedlaethol mewn lifrai sy’n cael ei gefnogi gan Gyngor Cenedlaethol y Penaethiaid Tân ac sy'n cael ei redeg gan Wasanaethau Tân ac Achub unigol ledled y DU.
Yn ystod y ddwy flynedd diwethaf, mae'r bobl ifanc ymroddedig hyn wedi dysgu ystod eang o sgiliau a thechnegau gwerthfawr trwy hyfforddiant ar faes ymarfer yr Orsaf Dân ac addysg yn yr ystafell ddosbarth. Mae’r Cadetiaid wedi ennill cymhwyster Cadetiaid Tân a chyflwynwyd tystysgrif cyflawniad iddynt gan y Y Prif Swyddog Tân Roger Thomas KFSM.
Roedd y dathliad hwn yn nodi carreg filltir arwyddocaol i Orsaf Dân Blaendulais, gan mai hon oedd eu hugeinfed flwyddyn o gynnal y rhaglen diffoddwyr tân ifanc, sydd ers hynny wedi datblygu i fod y Cadetiaid Tân. Mae'r ymrwymiad hirsefydlog hwn yn adlewyrchu faint mae'r rhaglen yn ei olygu i'r gymuned. Diolch i'r holl hyfforddwyr sydd wedi rhoi eu hamser a'u hymroddiad dros y blynyddoedd.
Dywedodd Karen Mayze, y Cydgysylltydd Cadetiaid Tân: