30.07.2024

Pumed Adroddiad Blynyddol Bwrdd Gwasanaethau Cyhoeddus Powys

Yn ei gyfarfod ar 18 Gorffennaf 2024 cytunodd Bwrdd Gwasanaethau Cyhoeddus Powys ar ei adroddiad cynnydd blynyddol ar gyfer 2023/24.

Gan Rachel Kestin



Yn ei gyfarfod ar 18 Gorffennaf 2024 cytunodd Bwrdd Gwasanaethau Cyhoeddus Powys ar ei adroddiad cynnydd blynyddol ar gyfer 2023/24.

Mae Bwrdd Gwasanaethau Cyhoeddus Powys yn bartneriaeth statudol o gyrff cyhoeddus sy'n gweithredu ym Mhowys, sy'n cydweithio â sefydliadau eraill a phobl Powys i wella llesiant mewn cymunedau lleol drwy gydweithio mewn modd mwy cynaliadwy.

Mae dyletswydd ar Fyrddau Gwasanaethau Cyhoeddus i adolygu'r cynnydd a wnaed yn erbyn eu Cynlluniau Llesiant yn flynyddol.  Adolygwyd Cynllun Llesiant Powys yn 2023 (i bob pwrpas tan 2027) gan wneud hwn yr adroddiad blynyddol cyntaf yn erbyn y Cynllun Llesiant newydd.

Mae'r adroddiad cynnydd blynyddol 2023/24 yn darparu gorolwg o weithgareddau'r tri Cham:

  • Ymateb i'r Argyfwng Hinsawdd

  • Dull system gyfan i Bwysau Iach

  • Tystiolaeth a Mewnwelediad

Mae'r tri Cham a'u rhaglenni gwaith yn cyd-fynd â thri amcan Cynllun Llesiant Bwrdd Gwasanaethau Cyhoeddus, gyda'r nod cyffredinol o gyflawni gweledigaeth y Bwrdd o Bowys Teg, Iach a Chynaliadwy.

Cafodd yr Adroddiad Blynyddol hefyd ei graffu gan Bwyllgor Craffu Bwrdd Gwasanaethau Cyhoeddus Powys, gan helpu i ysgogi gwelliant yn y ffordd y mae Bwrdd Gwasanaethau Cyhoeddus Powys yn cyflawni ei ddyletswyddau ac yn hyrwyddo lles i drigolion Powys.

Gellir darllen yr adroddiad blynyddol yma Ein Hadroddiad Cynnydd Blynyddol


Erthygl Flaenorol Erthygl Nesaf