Rheolwr Gwylio Euros Edwards yn cyflwynwyd gyda Medal yr Ymerodraeth Brydeinig

Cyflwyno Medal yr Ymerodraeth Brydeinig (BEM) i'r Rheolwr Gwylfa Euros Edwards o Orsaf Dân Crymych.

Ddydd Gwener, 28 Mehefin 2024, ymunodd y Prif Swyddog Tân Roger Thomas â'r criw o Orsaf Dân Crymych, a chan weithio mewn partneriaeth â Chyngor Sir Penfro, croesawodd Arglwydd Raglaw Dyfed Ei Fawrhydi, Miss Sara Edwards, i gyflwyno Medal yr Ymerodraeth Brydeinig i’r Rheolwyr Gwylfa Euros Edwards.

Roedd y Rheolwr Gwylfa Euros Edwards yn falch iawn o fod yng Ngorsaf Dân Crymych gyda ffrindiau agos a theulu, ynghyd â chyd-aelodau o Wasanaeth Tân ac Achub Canolbarth a Gorllewin Cymru (GTACGC), i dderbyn Medal yr Ymerodraeth Brydeinig. Mae'r fedal hon yn dathlu ei yrfa a'i ymrwymiad i gymuned Crymych dros gyfnod maith.

Dechreuodd gyrfa Euros gyda GTACGC, a elwid bryd hynny yn Frigad Tân Dyfed, yn 1979. Cafodd ei ddyrchafu’n Ddiffoddwr Tân Arweiniol yn 1987 ac yn Is-Swyddog yn 1988. Mae Euros wedi gwasanaethu cymunedau Sir Benfro a GTACGC yn ffyddlon ers dros 40 mlynedd ac wedi chwarae rhan flaenllaw wrth gynnal lefelau uchel o argaeledd yng Ngorsaf Dân Crymych yn ystod y cyfnod hwn.

Yn 1998, roedd yn rhan allweddol o’r gwaith o gyflwyno cynllun Cyd-ymatebydd gwirfoddol i Grymych, menter sydd wedi rhoi cefnogaeth amhrisiadwy i wasanaethau Ambiwlans lleol ac wedi achub llawer o fywydau yng nghymunedau Gogledd Sir Benfro. Er mwyn cefnogi'r cynllun Cyd-ymatebydd, mae Euros hefyd wedi chwarae rhan allweddol wrth godi dros £40,000 i brynu cerbyd newydd ar gyfer yr Orsaf Dân, ac mae hynny’n dangos ei awydd a'i ymrwymiad i gefnogi ei gymuned leol.

Wrth dderbyn Medal yr Ymerodraeth Brydeinig, dywedodd y Rheolwr Gwylfa Euros Edwards:

Dywedodd y Prif Swyddog Tân Roger Thomas:

Roedd y prynhawn yn achlysur llawen ac yn ddathliad teilwng o wasanaeth hir Euros a’i ymroddiad  i'r Gwasanaeth Tân ac Achub dros y blynyddoedd. Llongyfarchiadau mawr i Euros.