Y Rheolwr Criw Nigel Bowden yn Dathlu 25 Mlynedd o Wasanaeth

Cafodd y Rheolwr Criw Nigel Bowden, o Orsaf Dân Aberystwyth, ei gydnabod yn ddiweddar am 25 mlynedd o wasanaeth fel Diffoddwr Tân Ar Alwad.

Yn ystod ei chwarter canrif o wasanaeth, mae’r Rheolwr Criw Bowden wedi dangos ymroddiad a dewrder diwyro wrth amddiffyn cymunedau Aberystwyth.

Daeth criw Aberystwyth at ei gilydd yn ddiweddar i ddathlu’r garreg filltir, pan gyflwynwyd tystysgrif gwasanaeth hir iddo gan Swyddog yr Orsaf, Mark Ayling.

Allech chi fod yn Ddiffoddwr Tân Ar Alwad?

Mae gan Orsaf Dân Aberystwyth system criwio yn ystod y dydd ac ar alwad. 

Mae Diffoddwyr Tân Ar Alwad yn cael eu hysbysu am alwad frys trwy ddyfais alw bersonol, y maen nhw’n ei chario gyda nhw pan fyddant ar ddyletswydd.

Mae Gwasanaeth Tân ac Achub Canolbarth a Gorllewin Cymru ar hyn o bryd yn recriwtio Diffoddwyr Tân Ar Alwad ym mhob un o’n Gorsafoedd Tân Ar Alwad.

Mae rôl Diffoddwr Tân Ar Alwad yn darparu llawer o gyfleoedd ar gyfer datblygiad personol a phroffesiynol, trwy hyfforddiant, gwaith tîm, arweinyddiaeth a datrys problemau. Mae Diffoddwyr Tân Ar Alwad yn derbyn tâl am eu gwasanaethau, gan gynnwys ffioedd cadw a thaliadau galw allan, gan ychwanegu at eu hincwm o gyflogaeth arall.

Dysgwch fwy am sut i fod yn Ddiffoddwr Tân Ar Alwad yma.