11.10.2024

Y Rheolwr Gwylfa Bryan Davies yn Dathlu 42 Mlynedd o Wasanaeth

Ymgasglodd aelodau'r criw yng Ngorsaf Dân Talgarth yn ddiweddar i ddathlu cyflawniad anhygoel eu Rheolwr Gwylfa, Bryan Davies. 

Gan Steffan John

Categorïau



Ymgasglodd aelodau'r criw yng Ngorsaf Dân Talgarth yn ddiweddar i ddathlu cyflawniad anhygoel eu Rheolwr Gwylfa, Bryan Davies. 

Mae Bryan yn dathlu 42 mlynedd o wasanaeth ac yn nodi carreg filltir ryfeddol o ran ymroddiad ac ymrwymiad i gymuned Talgarth.  Mae Bryan wedi gwasanaethu ei gymuned leol ers dros bedwar degawd, ac yntau wedi ymateb i argyfyngau dirifedi yn ogystal ag addasu i ofynion a datblygiadau parhaus y rôl.

Y Pennaeth Pobl a Datblygu Sefydliadol, Teri-Ann Parry, a gyflwynodd y dystysgrif am wasanaeth hir i Bryan, ac meddai:

"Yn ystod fy nghyfnod fel Pennaeth Rhanbarth y Gogledd (Powys a Cheredigion), cefais y pleser mawr o weithio gyda Bryan, Rheolwr Gwylfa hynod o brofiadol sy'n gwasanaethu ei gymuned gydag ymrwymiad diwyro. Mae Bryan yn un o'n Rheolwyr Gwylfa sydd wedi gwasanaethu hiraf ac mae’n dal i gyflawni’r swydd ag egni diddiwedd. Llongyfarchiadau i Bryan ar ei gyfnod anhygoel o Wasanaeth."

Teri-Ann Parry - Pennaeth Pobl a Datblygu Sefydliadol



A allech chi fod yn Ddiffoddwr Tân Ar Alwad?



Mae Diffoddwyr Tân Ar Alwad yn rhan hanfodol o’n Gwasanaeth ac eich cymuned.

Mae Gwasanaeth Tân ac Achub Canolbarth a Gorllewin Cymru ar hyn o bryd yn recriwtio Diffoddwyr Tân Ar Alwad ym mhob un o’n Gorsafoedd Tân Ar Alwad.

Mae rôl Diffoddwr Tân Ar Alwad yn darparu llawer o gyfleoedd ar gyfer datblygiad personol a phroffesiynol, trwy hyfforddiant, gwaith tîm, arweinyddiaeth a datrys problemau. Mae Diffoddwyr Tân Ar Alwad yn derbyn tâl am eu gwasanaethau, gan gynnwys ffioedd cadw a thaliadau galw allan, gan ychwanegu at eu hincwm o gyflogaeth arall.

 Mwy o Wybodaeth
Erthygl Flaenorol Erthygl Nesaf

Y Newyddion Diweddaraf

GWELD POB NEWYDDION