Nos Lun, 13 Ebrill, cymerodd criwiau o'r ddwy orsaf ran mewn ymarferiad chwilio ac achub gydag offer anadlu (BA) yn SERB Pharmaceuticals yn Ffostrasol, Llandysul. Roedd y senario yn efelychu tân yn yr adeilad, gyda nifer o bobl y tu mewn, gan greu amgylchedd hyfforddi heriol a realistig.
Rhoddodd yr ymarferiad gyfle i'r ddau griw ymarfer gweithdrefnau gweithredol hanfodol wrth wisgo cit BA a gweithio mewn adeilad llawn mwg. Trwy hyfforddi mewn lleoliad diwydiannol go iawn, roedd y criwiau’n gallu ennill profiad ymarferol gwerthfawr, gan eu helpu i weithredu'n ddiogel ac yn effeithiol mewn sefyllfaoedd tebyg i ddigwyddiadau go iawn.
Diolch yn arbennig i SERB Pharmaceuticals am eu cydweithrediad rhagorol, wrth baratoi ar gyfer yr ymarferiad ac am eu cefnogaeth ar y noson. Roedd eu parodrwydd i ganiatáu i’n criwiau ddefnyddio eu hadeiladau yn allweddol wrth wneud yr hyfforddiant yn realistig ac yn llwyddiannus.