Mae'r Gwasanaeth yn atgoffa preswylwyr ac ymwelwyr i ddilyn y cyngor diogelwch allweddol hwn:
Barbeciw a diogelwch yn yr awyr agored
- Rhaid rhoi barbeciws bob tro ar arwyneb fflat nad yw'n llosgi, ymhell o adeiladau, ffensys, glaswellt sych a llwyni.
- Peidiwch byth â gadael barbeciw heb unrhyw un yn cadw golwg arno.
- Gwnewch yn siŵr ei fod wedi'i ddiffodd yn llawn ac wedi oeri cyn gwaredu’r lludw.
Atal tân
- Mae angen osgoi cynnau tanau yn yr awyr agored, gan gynnwys tanau gwersyll, yn enwedig mewn ardaloedd sych, glaswelltog neu wledig.
- Peidiwch â thaflu sigaréts, matsis na photeli gwydr, gan y gall y rhain danio tanau yn hawdd mewn amodau poeth.
- Peidiwch byth â chynnau tanau agored yng nghefn gwlad – mae llystyfiant sych yn golygu y bydd tanau’n lledaenu'n gyflym ac yn hawdd.
- Mae'n anghyfreithlon llosgi glaswellt neu wastraff gardd yr adeg hon o'r flwyddyn.
Diogelwch dŵr
- Byddwch yn ofalus wrth nofio mewn dŵr agored fel llynnoedd, afonydd a chronfeydd dŵr – gall y dŵr fod yn llawer oerach na'r disgwyl.
- Dylech osgoi neidio neu blymio i ddyfroedd anhysbys.
- Peidiwch byth â mynd i mewn i'r dŵr o dan ddylanwad alcohol.
Arnofio i Fyw
Er mwyn arnofio i fyw rhag ofn y bydd trafferthion yn y dŵr, dilynwch y camau hyn:
- Rhowch eich pen yn ôl gyda’ch clustiau o dan y dŵr.
- Ceisiwch ymlacio ac anadlu fel arfer.
- Symudwch eich dwylo a'ch coesau i'ch helpu i arnofio; mae'n iawn i’ch coesau'n suddo, gan ein bod ni i gyd yn arnofio'n wahanol.
Gall llawer o bobl, yn enwedig y rhai nad ydynt yn gyfarwydd â nofio awyr agored, danamcangyfrif risgiau cudd. Mae peryglon tanddwr a thymheredd dŵr sy’n gyson yn isel yn golygu bod sioc dŵr oer yn parhau i fod yn berygl gwirioneddol, hyd yn oed ar ddiwrnodau poeth. Gall hyn wneud i chi gymryd anadl anwirfoddol, anadlu’n gyflym, mynd i banig, a cholli’r gallu i nofio yn sydyn, gan gynyddu'r risg o foddi'n sylweddol.
Os oes rhywun mewn trafferth yn y dŵr, y ffordd orau i helpu yw cadw’ch pwyll, aros ar dir sych, a chofio Ffonio, Arnofio, Taflu:
- Ffoniwch 999 i alw’r gwasanaethau brys.
- Dywedwch wrthyn nhw am fod yn bwyllog ac arnofio ar eu cefn.
- Taflwch gyfarpar achub i'w helpu i arnofio nes bod y gwasanaethau brys yn cyrraedd
I weld negeseuon diogelwch ac i gael gwybodaeth, cyngor neu arweiniad am Ddiogelwch Dŵr, edrychwch ar ein cyfrifon Cyfryngau Cymdeithasol ac ewch i'n gwefan.
Dysgwch fwy am ##DoethiDanauGwyllt, lle gallwch hefyd gael mynediad at eiriau o gyngor diogelwch syml a lawrlwytho negeseuon diogelwch yr ymgyrch i'w defnyddio ar eich sianeli cyfryngau cymdeithasol eich hun.