Roedd cymhlethdod y digwyddiad efelychu’n gofyn am gydweithrediad agos rhwng criwiau'r Gwasanaeth Tân ac Achub, swyddogion ac asiantaethau partner, gan brofi eu gallu i gydlynu'n effeithiol, rheoli safle deinamig a datrys y sefyllfa’n ddiogel mor effeithlon â phosibl.
Daeth yr ymarferiad i ben gyda sesiwn adrodd yn ôl, gan ganiatáu i bob asiantaeth adolygu eu hymateb, rhannu pwyntiau dysgu a nodi cyfleoedd i gryfhau cydlynu aml-asiantaethol ymhellach. Mae senarios hyfforddi o'r raddfa hon yn chwarae rhan hanfodol wrth sicrhau bod gwasanaethau brys yn gwbl barod ar gyfer digwyddiadau cymhleth, gan helpu i fireinio cyfathrebu, gwneud penderfyniadau ac effeithiolrwydd gweithredol o dan bwysau.
Mae GTACGC yn estyn ei ddiolch i Brifysgol Aberystwyth am gynnal a chydlynu'r digwyddiad, yn ogystal ag i asiantaethau partner a'r myfyrwyr gwirfoddol y gwnaeth eu cyfraniad helpu i wneud y senario mor realistig ac mor defnyddiol â phosibl. Trwy barhau i weithio'n agos gyda phartneriaid, mae'r Gwasanaeth yn parhau i fod wedi ymrwymo i wella diogelwch y cyhoedd ac i sicrhau bod cymunedau ledled Canolbarth a Gorllewin Cymru’n cael eu diogelu.