Diffoddwr Tân yn Hawlio Teitl Pencampwriaeth Beicio Cymru

O Blentyn Brwdfrydig i Feiciwr Cystadleuol

Mae beicio wedi bod yn rhan o fywyd Siôn, sy'n ugain oed, ers ei blentyndod.  Cymerodd ran yn ei gystadlaethau cyntaf pan oedd ond yn bedair oed, a dyna oedd dechrau angerdd gydol oes am y gamp. 

Roedd gweld ei glwb beicio lleol yn hyfforddi yn drobwynt ac ar ôl trafodaeth gyda nhw, ymunodd â'r clwb ychydig wythnosau yn ddiweddarach.  Wedi'i ysbrydoli gan amgylchedd y tîm ac yn awyddus i wella, aeth Siôn ymlaen i feicio’n gystadleuol, gan ddechrau rasio o ddifrif yn 16 oed.

Gwasanaethu'r Gymuned y Tu Hwnt i'r Llinell Derfyn

Dechreuodd Siôn wasanaethu ei gymuned leol fel Diffoddwr Tân ar Alwad yng Ngorsaf Dân y Tymbl, GTACGC ym mis Hydref 2025.

Ar ôl i'w dad weld diwrnod agored recriwtio yn yr orsaf yn cael ei hysbysebu ar y cyfryngau cymdeithasol, aeth Siôn i’r digwyddiad, roedd wrth ei fodd â'r profiad a gwnaeth gais yn fuan wedyn.  Ers hynny, mae wedi cwblhau ei hyfforddiant cychwynnol, gan ennill y sgiliau a'r wybodaeth graidd sydd eu hangen ar gyfer y rôl, y mae'n parhau i'w datblygu trwy hyfforddiant parhaus a digwyddiadau yr ochr weithredol.

Wrth siarad am y rheswm y penderfynodd ymgeisio, dywedodd Siôn fod y rôl yn apelio ato oherwydd byddai'n caniatáu iddo ddatblygu sgiliau gwerthfawr, ennill profiadau newydd a gwasanaethu ei gymuned leol tra'n dal i fwynhau ei ymrwymiadau chwaraeon.  Mae bellach hefyd yn ystyried gyrfa fel Diffoddwr Tân Amser Cyflawn yn y dyfodol.

Wrth siarad am ei rôl fel Diffoddwr Tân, dywedodd Siôn:

"Rwy'n mwynhau'r profiad ac yn dysgu sgiliau newydd bob dydd.

Nid oes unrhyw ddau ddigwyddiad byth yr un fath a'r rhannau gorau am y rôl yw'r bobl rydw i'n cael gweithio gyda nhw a bod yn rhan o dîm agos.

I unrhyw un sy'n ystyried a ddylen nhw wneud cais, byddwn bendant yn eu hannog i fynd amdani.  Does gennych chi ddim byd i'w golli a byddwch chi'n ennill cymaint ohono."

Mae llwyddiant Siôn ar y beic yn adlewyrchu'r ymroddiad a'r penderfyniad y mae'n ei roi i'w rôl yng Ngorsaf Dân y Tymbl, lle mae'n parhau i ddatblygu ei sgiliau diffodd tân wrth gystadlu ar y lefel uchaf o feicio yng Nghymru.